BRICS 2026: న్యూఢిల్లీలోని భారత్ మంటపంలో జరిగిన బ్రిక్స్ బిజినెస్ ఫోరమ్ (BRICS Business Forum) వేదికగా భారత్ దౌత్యపరమైన వ్యూహాన్ని చాటిచెప్పే ఒక అరుదైన సన్నివేశం చోటుచేసుకుంది.
ఇరాన్ అధ్యక్షుడు మసూద్ పెజెష్కియాన్ చేయి పట్టుకుని భారత ప్రధాని నరేంద్ర మోదీ హాలులోకి నడిచారు. వీరితో పాటు రష్యా అధ్యక్షుడు వ్లాదిమిర్ పుతిన్, దక్షణాఫ్రికా అధ్యక్షుడు సిరిల్ రమఫోసా పక్కనే నడుస్తూ వేదికపైకి వచ్చారు.
Read Also : Brics Summit 2026 : జిన్ పింగ్ భారత పర్యటన.. చైనా కీలక వ్యాఖ్యలు
ప్రపంచ రాజనీతిలో భారత్ ప్రత్యేక స్థానం
- సమతుల్య దౌత్యం (Balanced Diplomacy): పశ్చిమాసియా, ఉక్రెయిన్ యుద్ధాలతో ప్రపంచవ్యాప్తంగా ఉద్రిక్తతలు నెలకొన్న వేళ.. ఒకవైపు అమెరికా మరియు పాశ్చాత్య దేశాలతో వ్యూహాత్మక సంబంధాలు కొనసాగిస్తూనే, మరోవైపు ఇరాన్, రష్యాలతో అనుబంధాన్ని నిలబెట్టుకోవడంలో భారత్ సామర్థ్యాన్ని ఈ సన్నివేశం ప్రతిబింబించింది.
- బ్రిక్స్ విస్తరణ: విస్తరించిన బ్రిక్స్ కూటమి దేశాల మధ్య వ్యాపారం, పెట్టుబడులు, సాంకేతిక ఆవిష్కరణలు మరియు ప్రపంచ అభివృద్ధిలో పరస్పర సహకారం మరింత పటిష్టం అవుతోందని ఈ సమావేశం స్పష్టం చేసింది.
BRICS 2026: ప్రధాని మోదీ - ఇరాన్ అధ్యక్షుడు ద్విపాక్షిక చర్చలు
ఆ తర్వాత ఇరు దేశాధినేతల మధ్య జరిగిన ద్వైపాక్షిక చర్చల్లో పలు కీలక అంశాలు ప్రస్తావనకు వచ్చాయి:
- మధ్యప్రాచ్యం (Middle East) సంక్షోభం: ఇరాన్, ఇజ్రాయెల్ మరియు అమెరికా మధ్య ఘర్షణ వాతావరణం నెలకొన్న నేపథ్యంలో ప్రశాంతత పునరుద్ధరణకు 'చర్చలు, దౌత్యం' ఒక్కటే ఏకైక మార్గమని ప్రధాని మోదీ పునరుద్ఘాటించారు.
- ఇంధన భద్రత & వ్యాపారం: పశ్చిమాసియా ప్రాంతంలో సుస్థిరత భారత్ ఇంధన భద్రతకు అత్యంత కీలకమని, సరుకు రవాణా నౌకలకు సురక్షితమైన మార్గం కల్పించాలని భారత్ కోరింది.
- దీర్ఘకాలిక సంబంధాలు: ఇరాన్ అధ్యక్షుడిగా బాధ్యతలు స్వీకరించాక పెజెష్కియాన్ భారత్‌కు రావడం ఇదే తొలిసారి. భారత్-ఇరాన్ మైత్రిని "విన్-విన్" (ఇరు దేశాలకు ప్రయోజనకరమైన) వ్యూహంతో మరింత ముందుకు తీసుకెళ్తామని ప్రధాని సోషల్ మీడియా వేదికగా స్పష్టం చేశారు.