శత్రువుల కదలికలను పసిగట్టి సైన్యానికి సమాచారం అందించే కీలక గగనతల నిఘా విమానం ఈ-3 సెంట్రీ అవాక్స్‌ను ఇరాన్ బాలిస్టిక్ మిస్సైళ్లతో ధ్వంసం చేసినట్లు నివేదికలు చెబుతున్నాయి.

ప్రస్తుతం ఈ విమానం ప్రిన్స్ సుల్తాన్ ఎయిర్ బేస్‌లో కార్యకలాపాలు నిర్వహిస్తున్న సమయంలో దాడి జరిగినట్లు సమాచారం. రియాద్‌కు దక్షిణంగా సుమారు 100 కిలోమీటర్ల దూరంలో ఇరాన్ మిస్సైల్ ఈ విమానాన్ని లక్ష్యంగా చేసుకుందని కథనాలు చెబుతున్నాయి. ఈ ఘటనలో 10 నుంచి 12 మంది అమెరికా సైనికులు గాయపడినట్లు కూడా తెలుస్తోంది. అయితే ఈ దాడిని అమెరికా రక్షణ శాఖ ఇంకా అధికారికంగా ధృవీకరించలేదు.

ఈ-3 సెంట్రీ అవాక్స్ అంటే ఏమిటి?

ఈ-3 సెంట్రీ అవాక్స్ యుద్ధ సమయంలో అమెరికా సైన్యానికి అత్యంత కీలకమైన గగనతల నిఘా విమానం. ఇది వందల మైళ్ల పరిధిలో గగనతలాన్ని పర్యవేక్షించగలదు. శత్రువుల క్షిపణులు, డ్రోన్లు, యుద్ధ విమానాలను ముందుగానే గుర్తించి మిత్ర దేశాల దళాలకు హెచ్చరికలు పంపుతుంది.

ఈ విమానం సాధారణంగా పెద్ద రాడార్ డోమ్‌తో ఉండి గగనతలంలో ఎయిర్‌బోర్న్ కమాండ్ సెంటర్‌లా పనిచేస్తుంది. మాజీ అమెరికా వైమానిక దళ కల్నల్ జాన్ వెనబుల్ ప్రకారం, ఈ విమానం ధ్వంసం కావడం గల్ఫ్ ప్రాంతంలో అమెరికా నిఘా సామర్థ్యానికి పెద్ద దెబ్బగా భావిస్తున్నారు.

Read Also: Amilineni Surendra Babu: కళ్యాణదుర్గంలో టీడీపీ 44వ ఆవిర్భావ దినోత్సవం