ఈ మేరకు క్యూబా ప్రభుత్వంపై ఆంక్షలు విధిస్తూ కార్యనిర్వాహక ఉత్తర్వులపై సంతకం చేశారు. ఇరాన్ నుండి తిరిగొచ్చే క్రమంలో ప్రపంచంలోనే అతిపెద్ద యుద్ధ విమాన వాహక నౌక 'యూఎస్ఎస్ అబ్రహం లింకన్'ను క్యూబా తీరానికి పంపి లొంగిపోయేలా చేస్తామని ఆయన పేర్కొన్నారు.

Read Also:OPEC Alliance: ఒపెక్ కూటమికి యూఏఈ గుడ్ బై: చమురు రాజకీయాల్లో పెను మార్పులు

క్యూబాలోని ప్రస్తుత పరిస్థితిపై వ్యాఖ్యానిస్తూ.. అక్కడ చాలా సమస్యలు ఉన్నాయన్నారు. అయితే తాను ఒకేసారి అనేక రంగాల్లో పోరాడటానికి ఇష్టపడటం లేదని స్పష్టం చేశారు. అమెరికా తన సైనిక శక్తిని ఉపయోగించి పెద్ద సంఘర్షణ లేకుండానే క్యూబాను లొంగదీసుకోగలదని అన్నారు. ''మేము ఇరాన్ నుంచి వైదొలగినప్పుడు.. క్యూబా తీరానికి కేవలం 100 గజాల దూరంలో యూఎస్ఎస్ అబ్రహం లింకన్ ను, మేము నిలిపివేస్తాం.'' అని అన్నారు. అమెరికా యుద్ధనౌకను చూడటమే చాలు. ఆయన ఇంకా చమత్కరిస్తూ.. ''వారు (క్యూబన్లు) దాన్ని చూసి.. ''మీకు చాలా ధన్యవాదాలు.మేము లొంగిపోతున్నాం.'' అని చెబుతారని ట్రంప్ వ్యంగ్యంగా వ్యాఖ్యానించారు.