Satellite Launch: భారత అంతరిక్ష పరిశోధనా సంస్థ (ISRO) మరో కీలక మైలురాయిని అధిగమించింది. మంగళవారం ఆంధ్రప్రదేశ్లోని శ్రీహరికోట సతీష్ ధావన్ స్పేస్ సెంటర్ లో స్మాల్ శాటిలైట్ లాంచ్ వెహికల్కు సంబంధించిన మూడో దశ ( SSLV-SS3) పరీక్షను విజయవంతంగా పూర్తి చేసినట్లు ఇస్రో ప్రకటించింది.
Read Also:IRCTC: తమిళనాడు-పుదుచ్చేరి ప్రత్యేక రైల్ టూర్ ప్రారంభం
SSLV పనితీరులో కొత్త స్థాయి
ఈ పరీక్షలో ఎస్ఎస్ఎల్వీ మూడో దశ పనితీరును సమగ్రంగా పరిశీలించి, అవసరమైన సాంకేతిక డేటాను సేకరించినట్లు శాస్త్రవేత్తలు వెల్లడించారు. ముఖ్యంగా ఇంధనం దహనం, థ్రస్ట్ స్థిరత్వం, ఉష్ణోగ్రత నియంత్రణ వంటి కీలక అంశాలను ఈ పరీక్ష ద్వారా విశ్లేషించారు.
ఎస్ఎస్ఎల్వీ (SSLV) వాహనం చిన్న ఉపగ్రహాలను తక్కువ సమయంలో, తక్కువ ఖర్చుతో అంతరిక్షంలోకి పంపేందుకు రూపకల్పన చేయబడింది. భవిష్యత్లో వాణిజ్య ప్రయోగాల సంఖ్య పెరిగే అవకాశాలను దృష్టిలో ఉంచుకుని, ఈ వాహనాన్ని వేగంగా తయారు చేయగలిగేలా, అధిక స్థాయిలో ఉత్పత్తి చేసే విధంగా రూపొందించినట్లు ఇస్రో అధికారులు తెలిపారు.
Read hindi news: hindi.vaartha.com
Epaper : epaper.vaartha.com