Adani Power Project: ఆంధ్రప్రదేశ్లో భారీ ఇంధన ప్రాజెక్టు ఏర్పాటుకు మార్గం సుగమమైంది. వైఎస్ఆర్ కడవ జిల్లాలో 2,250 మెగావాట్ల సామర్థంతో పంప్డ్ స్టోరేజీ ప్రాజెక్టును (పిఎస్పీ) అభివృద్ధి చేసేందుకు అదానీ గ్రీన్ ఎనర్జీ అనుబంధ సంస్థ అయిన ఆదానీ హైడ్రో ఎనర్జీ ఎలెవెన్ లిమిటెడ్క రాష్ట్ర ప్రభుత్వం గ్రీన్ సిగ్నల్ ఇచ్చింది.

సిఎం చంద్రబాబు నాయుడు అధ్యక్షతన జరిగిన రాష్ట్ర పెట్టుబడుల ప్రోత్సాహక మండలి (ఎస్ఐపిబి) సమావేశంలో ఈ ప్రాజెక్టుకు ఆమోదం తెలిపారు.

గండికోట2

‘గండికోట2’ పేరుతో వైఎస్ఆర్ కడప జిల్లాలోని లార్డ్ బాలాజీ దొంతికోన పిఎస్పీ పార్కులో ఈ ప్రాజెక్టును నిర్మించనున్నారు. ఈ ప్రాజెక్టు పూర్తయితే దేశంలోనే అతిపెద్ద వంప్డ్ స్టోరేజీ ప్రాజెక్టులలో ఒకటిగా నిలుస్తుందని ప్రభుత్వం ఒక ప్రకటనలో పేర్కొంది. రాష్ట్రంలో పెరుగుతున్న గ్రీన్ హైడ్రోజన్, ఎలక్ట్రిక్ (mobility), డేటా సెంటర్ల వంటి అధునాతన పరిశ్రమలకు అవసరమైన నిరంతరాయ విద్యుత్ను అందించడంలో ఈ ప్రాజెక్టు కీలక పాత్ర పోషిస్తుంది.

పునరుత్పాదక ఇంధన వ్యవస్థలు

పంప్డ్ స్టోరేజీ ప్రాజెక్టులు పునరుత్పాదక ఇంధన వ్యవస్థలకు వెన్నెముకగా నిలుస్తాయి. సౌర, పవన విద్యుత్ ఉత్పత్తి అధికంగా ఉన్నప్పుడు ఆ మిగులు విద్యుత్తో నీటిని పైకి పంపింగ్ చేసి, డిమాండ్ ఎక్కువగా ఉన్న సమయంలో ఆ నీటిని కిందకు వదిలి టర్బైన్ల ద్వారా విద్యుత్ ఉత్పత్తి చేస్తారు. దీనివల్ల 24 గంటలూ నిరంతరాయంగా స్వచ్ఛమైన విద్యుత్ను అందించడం సాధ్యమవు తుంది. ఈ ప్రాజెక్టు కోసం ఇప్పటికే ఉన్న గండికోట జలాశయం నుంచి ఒకేసారి నింపడానికి 29.20 ఎంసిఎం నీటిని, ఏటా ఆవిరి నష్టాల కోసం 2.20 ఎంసిఎం నీటిని కేటాయించడానికి ప్రభుత్వం అనుమతినిచ్చింది.

The country’s largest Adani project in Kadapa… Coalition government gives green signal!

ఆంధ్రప్రదేశ్ ఇంటిగ్రేటెడ్ క్లీన్ ఎనర్జీ పాలసీ 2024

ప్రభుత్వం ఇటీవల తీసుకొచ్చిన ‘ఆంధ్రప్రదేశ్ ఇంటిగ్రేటెడ్ క్లీన్ ఎనర్జీ పాలసీ 2024’ కింద ఈ ప్రాజెక్టుకు ప్రోత్సాహకాలు అందనున్నాయి. ఈ పాలసీ ద్వారా రాష్ట్రానికి సుమారు రూ.10 లక్షల కోట్ల పెట్టుబడులు, 7.5 లక్షల ఉద్యోగాలు లక్ష్యంగా పెట్టుకున్నారు. ఈ ప్రాజెక్టును 72 నెలల్లో (6 ఏళ్లు) పూర్తి చేయాలని లక్ష్యంగా నిర్దేశించారు. విధానపరమైన స్థిరత్వం, వేగవంతమైన అనుమతుల ద్వారా రాష్ట్రానికి పెద్ద ఎత్తున పెట్టుబడులను ఆకర్షిస్తున్నామని ప్రభుత్వం ఈ సందర్భంగా పునరుద్ఘాటించింది.

Adani Power Project: రిలయన్స్ గ్రీన్ సిగ్నల్

ఆంధ్రప్రదేశ్ లో రిలయన్స్ ఇండస్ట్రీస్ లిమిటెడ్ భారీ పెట్టుబడికి కూటమి ప్రభుత్వం గ్రీన్ సిగ్నల్ ఇచ్చింది. ఈ మేరకు విజయనగరం జిల్లా పోలిపల్లి, భోగాపురం పరిధిలో 853.97 ఎకరాల భూమి కేటాయిస్తూ ఉత్తర్వులు జారీ చేసింది. ఈ సెంటరు భారీగా ప్రోత్సాహకాలు ప్రకటించిన ఎపి ప్రభుత్వం.. వాటికి సంబంధించి తాజాగా ఉత్తర్వులు ఇచ్చింది. విజయనగరం జిల్లాలో గిగా స్కేల్ ఏఐ డేటా సెంటర్ ఏర్పాటుకు ఆర్ఎల్ ముందుకొచ్చింది. రూ.1,08,010 కోట్ల భారీ అంచనా వ్యయంతో డేటా సెంటర్, కేబుల్ ల్యాండింగ్ స్టేషన్ ఏర్పాటుకు ఆరఐఎల్ ప్రతిపాదనలు చేసింది.