ఇటీవల ఆమె నీలిరంగు రాయల్ సిల్క్ చీరలో అత్యంత స్టైలిష్‌గా పార్లమెంట్‌ ప్రాంగణంలోకి అడుగుపెట్టిన దృశ్యాలు అందరి దృష్టినీ ఆకర్షించాయి. అయితే ఆమె కట్టిన చీర కంటే కూడా, ఆమె ధరించిన అత్యంత ఖరీదైన యాక్సెసరీస్‌పైనే నెటిజన్లు ఎక్కువగా దృష్టి సారించారు. కంగనా ధరించిన రోలెక్స్ (Rolex) వాచ్ ధర సుమారు రూ. 21 లక్షలు, ఆమె చేతిలోని లగ్జరీ హ్యాండ్‌బ్యాగ్ ధర రూ.35 లక్షల వరకు ఉంటుందని సోషల్ మీడియాలో పలువురు పోస్టులు పెడుతున్నారు. అంతటితో ఆగకుండా, ఆమె చీర రంగుకు మ్యాచింగ్‌గా పట్టుకున్న అంబ్రెల్లా (గొడుగు) ధర కూడా రూ.6,100 అని నెటిజన్లు ఆ వివరాలను వైరల్ చేస్తున్నారు.

సోషల్ మీడియాలో భిన్నాభిప్రాయాలు: ఫ్యాషన్ ఐకాన్ వర్సెస్ ట్రోలింగ్!

కంగనా రనౌత్ పార్లమెంట్ లుక్, ఆమె వాడిన కాస్ట్లీ వస్తువులపై నెట్టింట భిన్నాభిప్రాయాలు వ్యక్తమవుతున్నాయి. ఒక బాలీవుడ్ స్టార్ హీరోయిన్‌గా, స్వశక్తితో ఎదిగిన ప్రజాప్రతినిధిగా తన స్థాయికి తగ్గట్టుగా రాయల్ ఫ్యాషన్ మెయింటెన్ చేయడంలో తప్పేమీ లేదని ఆమె అభిమానులు మద్దతుగా నిలుస్తున్నారు. పార్లమెంట్‌కు భారతీయ సాంప్రదాయ చీరకట్టులో వస్తూనే, ఆధునిక ఫ్యాషన్‌ను జోడించడం ఆమె ప్రత్యేకత అని కొనియాడుతున్నారు. మరోవైపు, ప్రజాప్రతినిధిగా పార్లమెంట్‌కు వచ్చేటప్పుడు సాదాసీదాగా ఉండకుండా, లక్షల రూపాయల విలాసవంతమైన వస్తువులను ప్రదర్శించడం ఏంటని కొందరు నెటిజన్లు, రాజకీయ ప్రత్యర్థులు విమర్శలు గుప్పిస్తున్నారు. ఈ రీతిలో కంగనా పార్లమెంట్ స్టైల్ స్టేట్‌మెంట్ ఇప్పుడు రాజకీయ, సినీ వర్గాల్లో హాట్ టాపిక్‌గా మారింది.

నేటి నుంచి అమర్‌నాథ్ యాత్ర బంద్