Siddaramaiah vs DK Shivakumar: ఐదు రాష్ట్రాల అసెంబ్లీ ఎన్నికలు ముగిసి, కేరళలో నాయకత్వ సమస్య కొలిక్కి రావడంతో.. ఇప్పుడు అందరి దృష్టి కర్ణాటక రాజకీయాలపై పడింది.

ముఖ్యమంత్రి పదవిని చుట్టుముట్టిన సందిగ్ధతకు తెరదించి, మంత్రివర్గంలో ఖాళీలను భర్తీ చేయాలని రాష్ట్ర కాంగ్రెస్ శ్రేణులు అధిష్ఠానాన్ని కోరుతున్నాయి. ఈ వివాదానికి త్వరలోనే ముగింపు పలుకుతామని ఏఐసీసీ అధ్యక్షుడు మల్లికార్జున ఖర్గే ఇటీవల హామీ ఇవ్వగా, రానున్న కొద్ది రోజుల్లోనే ఈ గందరగోళం తొలగిపోతుందని ప్రజాపనుల శాఖ మంత్రి సతీష్ జార్కిహోళి సైతం స్పష్టం చేశారు.

Read Also :Medical Shops Strike India: నేడు దేశవ్యాప్తంగా మెడికల్ షాపుల బంద్.. రంగంలోకి 15 లక్షల మంది కెమిస్ట్‌లు!

రెండున్నరేళ్ల ఫార్ములా.. సిద్ధరామయ్య, డీకే శివకుమార్ వర్గాల పట్టు

Karnataka Congress faces leadership uncertainty over the Chief Minister post as Siddaramaiah completes half-term

ముఖ్యమంత్రి సిద్ధరామయ్య పదవిలో రెండున్నరేళ్లు పూర్తి చేసుకోవడంతో కర్ణాటకలో అధికార మార్పిడిపై ఊహాగానాలు ఊపందుకున్నాయి. ప్రస్తుతానికి సీఎం మార్పుపై ఎలాంటి చర్చలు జరగడం లేదని సిద్ధరామయ్య మద్దతుదారులు వాదిస్తుండగా.. ప్రభుత్వ తొలి సగం పదవీకాలం ముగిసినందున ఒప్పందం ప్రకారం డీకే శివకుమార్‌కు బాధ్యతలు అప్పగించాలని ఆయన వర్గీయులు గట్టిగా ఒత్తిడి తెస్తున్నారు. తుమకూరులో మే 19న భారీ ర్యాలీతో ప్రభుత్వం మూడేళ్ల ఉత్సవాలను విజయవంతంగా జరుపుకున్నప్పటికీ, అంతర్గత కుమ్ములాటల వల్ల తదుపరి ఎన్నికల్లో నష్టం జరుగుతుందేమోనని సీనియర్ నేతలు ఆందోళన వ్యక్తం చేస్తున్నారు. 2018 నాటి తప్పులను పునరావృతం చేయకుండా, స్వయంగా కర్ణాటకకు చెందిన మల్లికార్జున ఖర్గే జోక్యం చేసుకుని సోనియా గాంధీ, రాహుల్ గాంధీలతో మాట్లాడి ఈ సమస్యను వెంటనే తేల్చాలని పార్టీ వర్గాలు కోరుతున్నాయి.

Siddaramaiah vs DK Shivakumar: క్యాబినెట్ విస్తరణ మరియు దావణగెరె వివాదం ముదురుతోంది

నాయకత్వ మార్పుతో పాటు మంత్రివర్గ పునర్వ్యవస్థీకరణ కూడా హైకమాండ్‌కు తలనొప్పిగా మారింది. బి.నాగేంద్ర, కె.ఎన్. రాజణ్ణల నిష్క్రమణ తర్వాత రెండు మంత్రి పదవులు ఖాళీగా ఉన్నాయి. వీటి కోసం సీనియర్లతో పాటు మొదటిసారి గెలిచిన ఎమ్మేల్యేలు కూడా తీవ్రంగా ప్రయత్నిస్తున్నారు. మరోవైపు, డీకే శివకుమార్ కేపీసీసీ అధ్యక్షుడిగా ఆరేళ్లు పూర్తి చేసుకోవడంతో ఆ పదవిని కూడా మార్చాలనే డిమాండ్ వినిపిస్తోంది. వీటికి తోడు, ఇటీవలి దావణగెరె ఎన్నికల వివాదంలో పార్టీ తీసుకున్న కఠిన క్రమశిక్షణా చర్యలపై ముస్లిం నేతలు, కార్యకర్తల్లో తీవ్ర అసంతృప్తి వ్యక్తమవుతోంది. పాలనపై ఈ ప్రభావం పడకముందే ఢిల్లీ పెద్దలు ఏదో ఒక రాజీ ఫార్ములాను ప్రకటించడం అనివార్యంగా కనిపిస్తోంది.