50 కేజీల బియ్యం బస్తాపై ఏకంగా రూ.1,000కు పైగా పెరుగుదల నమోదైంది.

Read Also :Amazon Sale 2026: అక్టోబర్ 8 నుంచి అమెజాన్ సేల్

మూడు నెలల్లో భారీగా పెరిగిన ధరలు

ఉమ్మడి కర్నూలు జిల్లాలో బియ్యం ధరలు గణనీయంగా పెరిగినట్లు మార్కెట్ వర్గాలు చెబుతున్నాయి. మూడు నెలల క్రితం 50 కేజీల నంద్యాల సోన బియ్యం బస్తా రూ.2,600 ఉండగా.. ప్రస్తుతం రూ.3,800కు చేరినట్లు సమాచారం. అంటే బస్తాపై సుమారు రూ.1,200 పెరుగుదల నమోదైంది. అదే సమయంలో కర్నూలు సోనా బియ్యం ధర కూడా భారీగా పెరిగింది. మూడు నెలల క్రితం రూ.2,400గా ఉన్న 50 కేజీల బస్తా ధర ప్రస్తుతం రూ.3,500కు చేరినట్లు వ్యాపారులు చెబుతున్నారు.

పది రోజుల్లోనే రూ.500 వరకు పెరుగుదల

ఇటీవల బియ్యం ధరల పెరుగుదల మరింత వేగం పుంజుకున్నట్లు మార్కెట్ వర్గాలు చెబుతున్నాయి. ముఖ్యంగా గత పది రోజుల్లోనే 50 కేజీల బస్తాపై సుమారు రూ.500 వరకు ధర పెరిగినట్లు సమాచారం. దీంతో నెలవారీగా బియ్యం కొనుగోలు చేసే కుటుంబాలపై అదనపు ఆర్థిక భారం పడుతోంది. ఇప్పటికే ఇతర నిత్యావసర వస్తువుల ధరలు పెరుగుతున్న నేపథ్యంలో బియ్యం ధరల పెరుగుదల వినియోగదారులను ఆందోళనకు గురిచేస్తోంది.

వరి సాగు తగ్గడమే కారణమా?

బియ్యం ధరలు పెరగడానికి ప్రధాన కారణాల్లో వరి సాగు తగ్గడం, మార్కెట్‌కు వడ్ల సరఫరా తగ్గడం ఉన్నాయని వ్యాపారులు చెబుతున్నారు. ఈ ఏడాది వర్షాల పరిస్థితుల ప్రభావంతో ఉమ్మడి కర్నూలు జిల్లాలో వరి సాగు తగ్గిందని, దీంతో మార్కెట్‌లోకి వచ్చే ధాన్యం పరిమాణం తగ్గినట్లు వారు పేర్కొంటున్నారు. సరఫరా తగ్గడం, మరోవైపు బియ్యానికి డిమాండ్ కొనసాగడంతో ధరలు పెరుగుతున్నాయని వ్యాపార వర్గాలు చెబుతున్నాయి.

Kurnool Rice Prices: రానున్న రోజుల్లో మరింత పెరిగే అవకాశం

ప్రస్తుతం మార్కెట్‌లో బియ్యం ధరలు పెరుగుతున్న నేపథ్యంలో రానున్న రోజుల్లో కూడా ఇదే పరిస్థితి కొనసాగితే ధరలు మరింత పెరిగే అవకాశం ఉందని వ్యాపారులు అంచనా వేస్తున్నారు. అయితే ధరల భవిష్యత్‌ పరిస్థితి ధాన్యం సరఫరా, డిమాండ్‌, మార్కెట్ పరిణామాలపై ఆధారపడి ఉంటుంది.

పెరిగిన చికెన్ ధరలు!