Kavadiguda Spa Center Murder: హైదరాబాద్ నగరంలోని కవాడిగూడలో మంగళవారం (మే 19) ఒక ఘోర హత్యోదంతం చోటుచేసుకుంది. స్థానిక రత్నదీప్ బిల్డింగ్ నాలుగో అంతస్తులో నిర్వహిస్తున్న ఒక స్పా సెంటర్‌లో పనిచేస్తున్న శ్వేత అనే మహిళను ఆమె భర్త దారుణంగా హత్య చేశాడు.

Read Also :Punjab's Patiala: పాటియాలాలో 22 ఏళ్ల వైద్య విద్యార్థి హత్య కలకలం

గొడవపడి స్పాకు వెళ్లిన భార్య.. వెంబడించి మరీ దాడి

పోలీసుల ప్రాథమిక సమాచారం ప్రకారం.. ఇవాళ ఉదయం భార్యాభర్తల మధ్య తీవ్రస్థాయిలో గొడవ జరిగింది. అనంతరం శ్వేత తన రోజువారీ పని కోసం కవాడిగూడలోని స్పా సెంటర్‌కు వెళ్ళిపోయింది. అయితే, ఆమెపై కక్ష పెంచుకున్న భర్త.. ఒక కత్తిని వెంటబెట్టుకుని ఆమె వెనకాలే స్పా సెంటర్‌కు చేరుకున్నాడు. అక్కడ అందరూ చూస్తుండగానే భార్య శ్వేతపై కత్తితో విచక్షణారహితంగా దాడి చేసి తీవ్రంగా పొడిచాడు. ఈ దాడిలో తీవ్ర రక్తస్రావమై శ్వేత అక్కడికక్కడే ప్రాణాలు కోల్పోయింది.

Kavadiguda Spa Center Murder: హత్య చేసిన అనంతరం పోలీస్ స్టేషన్‌లో లొంగుబాటు

స్పా సెంటర్‌లో భార్యను హతమార్చిన అనంతరం నిందితుడు నేరుగా అత్తాపూర్ పోలీస్ స్టేషన్‌కు వెళ్లాడు. తాను చేసిన నేరాన్ని ఒప్పుకుంటూ పోలీసుల ఎదుట లొంగిపోయాడు. ఈ ఘోర ఉదంతంపై సమాచారం అందుకున్న స్థానిక పోలీసులు ఘటనా స్థలానికి చేరుకుని వివరాలు సేకరించారు. శ్వేత మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఈ హత్యపై కేసు నమోదు చేసుకున్న పోలీసులు.. అసలు గొడవకు గల కారణాలపై పూర్తిస్థాయిలో దర్యాప్తు ప్రారంభించారు.