Karnataka Road Accident: కర్ణాటకలోని కోలార్ గోల్డ్ ఫీల్డ్స్ (కేజీఎఫ్) సమీపంలో సోమవారం తెల్లవారుజామున ఒక ఘోర రోడ్డు ప్రమాదం సంభవించింది. తిరుమల శ్రీవారిని దర్శించుకుని తిరిగి బెంగళూరుకు బయలుదేరిన ఒకే కుటుంబం ప్రయాణిస్తున్న కారు ప్రమాదానికి గురైంది.
ఈ దుర్ఘటనలో ఒకే కుటుంబానికి చెందిన నలుగురు వ్యక్తులు తీవ్ర గాయాలతో అక్కడికక్కడే ప్రాణాలు కోల్పోయారు.
Read Also: Man Kills Wife In Guwahati : దారుణం.. భార్యను చంపి, ఫ్రిజ్‌లో తలను దాచిన భర్త
Horrific road accident near KGF; four killed.
Karnataka Road Accident: దొడ్డకరి వద్ద తీవ్రంగా ధ్వంసమైన కారు
బెంగళూరుకు చెందిన ఎనిమిది మంది భక్తులు ఒకే కారులో తిరుపతి శ్రీవారి దర్శనానికి వెళ్లారు. స్వామివారి దర్శనం పూర్తయ్యాక తిరిగి బెంగళూరు ప్రయాణమైన క్రమంలో, బేతమంగళ పోలీస్ స్టేషన్ పరిధిలోని దొడ్డకరి వద్ద వీరి వాహనం ప్రమాదానికి గురైంది. ప్రమాద ధాటికి కారు ముందు భాగం తీవ్రంగా ధ్వంసమై నుజ్జునుజ్జయ్యింది.
మృతుల వివరాలు, గాయపడినవారి పరిస్థితి
ఈ ప్రమాదంలో బెంగళూరుకు చెందిన దేవేంద్ర కుమార్ (40), జిష్ణు (15), దీక్షిత (20), శారదాబాయి (70) తీవ్ర గాయాలపాలై ఘటనా స్థలంలోనే మృతి చెందారు. మృతుల్లో 15 ఏళ్ల బాలుడు, 70 ఏళ్ల వృద్ధురాలు ఉండటం స్థానికులను తీవ్రంగా కలచివేసింది. కారులోని మరో నలుగురు ప్రయాణికులు తీవ్రంగా గాయపడటంతో, స్థానికుల సహాయంతో పోలీసులు వారిని తక్షణ వైద్య సహాయం కోసం సమీపంలోని ఆసుపత్రికి తరలించారు.
ప్రమాదంపై సమాచారం అందుకున్న వెంటనే బేతమంగళ పోలీసులు సంఘటనా స్థలానికి చేరుకుని పరిస్థితిని సమీక్షించారు. మృతదేహాలను స్వాధీనం చేసుకుని, ఘటనపై కేసు నమోదు చేసి దర్యాప్తు వేగవంతం చేశారు.
Epaper: epaper.vaartha.com