ఈ విషయాన్ని కేంద్ర ఆహార శాఖ మంత్రి ప్రహ్లాద్ జోషి న్యూఢిల్లీలో అధికారికంగా వెల్లడించారు. పీడీఎస్ (PDS) జాబితా నుండి అర్హత లేని లబ్ధిదారులను తొలగించిన తర్వాత ఈ అవకాశం ఏర్పడిందని ఆయన స్పష్టం చేశారు.

Read Also: Rythu Bharosa Update : 'రైతు భరోసా'.. మొదట వారి ఖాతాల్లోకే!

Central Government Good News.. New Ration Cards Soon.. Apply Now

New Ration Cards: అనర్హుల గుర్తింపు కోట్ల కార్డులు రద్దు!

ఎకనమిక్ టైమ్స్ కథనం ప్రకారం.. కేంద్ర ఆహార శాఖ దేశవ్యాప్తంగా దాదాపు 8.51 కోట్ల అర్హత లేని లబ్ధిదారులను గుర్తించింది. వీరిలో చనిపోయిన వ్యక్తులు, ఆదాయపు పన్ను చెల్లించేవారు, నాలుగు చక్రాల వాహనాలు ఉన్నవారు కూడా ఉన్నారు. ఈ జాబితాను కేంద్రం రాష్ట్ర ప్రభుత్వాలకు పంపించగా.. ఇప్పటివరకు రాష్ట్రాలు కలిసి 2.21 కోట్ల నకిలీ, అనర్హమైన రేషన్ కార్డులను తొలగించాయి. పీడీఎస్ వ్యవస్థలో తీసుకొచ్చిన డిజిటలైజేషన్ వల్లే ఈ పారదర్శకత సాధ్యమైందని మంత్రి వివరించారు.

80 కోట్ల మందికి ఉచిత రేషన్ లక్ష్యం

ప్రస్తుతం దేశంలో మొత్తం 79 కోట్ల రేషన్ కార్డులు ఉన్నాయి. ‘ప్రధాన్ మంత్రి గరీబ్ కళ్యాణ్ యోజన’ (PMGKY) కింద ఉచిత ఆహార ధాన్యాల పంపిణీ లక్ష్యం 80 కోట్ల మందికి చేరువగా ఉంది. అనర్హుల తొలగింపు ద్వారా ఖాళీ అయిన స్థానాల్లో కొత్తగా అర్హులైన పేదలను చేర్చుకోవచ్చని కేంద్రం రాష్ట్రాలకు సూచించింది. దీనివల్ల దాదాపు 3 కోట్ల మందికి కొత్త కార్డులు లభించనున్నాయి. ప్రస్తుతం 98.5 శాతం ఆహార ధాన్యాల పంపిణీ ఆధార్ నంబర్, ఈపీఓఎస్ మిషన్ల ద్వారానే జరుగుతోందని మంత్రి తెలిపారు.

తెలుగు రాష్ట్రాల్లో కొత్త రేషన్ కార్డుకు దరఖాస్తు చేసుకోండి ఇలా..

కేంద్ర ప్రభుత్వం కొత్త కార్డుల జారీకి గ్రీన్ సిగ్నల్ ఇచ్చిన నేపథ్యంలో, తెలంగాణ, ఆంధ్రప్రదేశ్ రాష్ట్రాల్లో రేషన్ కార్డుల దరఖాస్తు ప్రక్రియ వివరాలు క్రింది విధంగా ఉన్నాయి:

తెలంగాణలో దరఖాస్తు విధానం

• అభ్యర్థులు తమ సమీపంలోని మీ సేవా (MeeSeva) కేంద్రాన్ని సంప్రదించాలి.
• వివరాల నమోదు: కొత్త రేషన్ కార్డు అప్లికేషన్ ఫారమ్‌ను తీసుకుని కుటుంబ సభ్యుల వివరాలు, ఆధార్ నంబర్లు, చిరునామా సరిగ్గా నమోదు చేయాలి.
• కావలసిన పత్రాలు: ఆధార్ కార్డు, చిరునామా రుజువు , ఆదాయ వివరాల పత్రాలను సమర్పించాల్సి ఉంటుంది.
• పరిశీలన: ఫారమ్ సబ్మిట్ చేసిన తర్వాత అధికారులు లబ్ధిదారుల ఇంటికి వచ్చి వెరిఫికేషన్ పూర్తి చేస్తారు. అర్హత నిర్ధారణ అయ్యాక కొత్త కార్డు జారీ అవుతుంది.

ఆంధ్రప్రదేశ్‌లో దరఖాస్తు విధానం

• ఎక్కడ సంప్రదించాలి: అభ్యర్థులు రాష్ట్ర పౌర సరఫరాల శాఖ వెబ్‌సైట్ ద్వారా లేదా నేరుగా గ్రామ, వార్డు సచివాలయం వద్ద అప్లై చేయాలి.
• వివరాల నమోదు: కొత్త రేషన్ కార్డు లేదా కుటుంబ సభ్యులను జోడించే ఆప్షన్ ఎంచుకుని ఆధార్ వివరాలను నమోదు చేయాలి.
• కావలసిన పత్రాలు: ఆధార్ కార్డు, నివాస స్థల ధృవీకరణ పత్రం, అవసరమైతే ఆదాయ సర్టిఫికెట్ సమర్పించాలి.
• పరిశీలన: సచివాలయం సిబ్బంది లేదా వాలంటీర్లు లబ్ధిదారుల అర్హతలను పరిశీలిస్తారు. నిబంధనల ప్రకారం అర్హత ఉంటే కొత్త రేషన్ కార్డు మంజూరు అవుతుంది.

Read Also hindi news: hindi.vaartha.com

Epaper: epaper.vaartha.com

Read Also:

AP 10వ తరగతి సప్లిమెంటరీ ఫలితాలు విడుదల.. మీ రిజల్ట్స్ ఇలా చెక్ చేసుకోండి!