Kangana Ranaut: ఫ్యాషన్ ప్రపంచంలోనే అత్యంత ప్రతిష్టాత్మకమైన అంతర్జాతీయ వేదిక 'కేన్స్ ఫిల్మ్ ఫెస్టివల్ 2026' లో గత రెండు దశాబ్దాలుగా భారతీయ సౌందర్యాన్ని, హుందాతనాన్ని చాటుతూ వస్తున్నారు విశ్వసుందరి ఐశ్వర్యా రాయ్ బచ్చన్.

ఈ ఏడాది కూడా ఆమె తన 24వ కేన్స్ ప్రయాణాన్ని ఎంతో గ్రాండ్‌గా ప్రారంభించారు. అయితే, దురదృష్టవశాత్తూ సోషల్ మీడియా వర్గం ఆమె ఫ్యాషన్ ప్రయోగాలను అభినందించాల్సింది పోయి.. ఆమె శరీరాకృతిపై, పెరిగిన బరువు, వయసుపై బాడీ షేమింగ్ చేయడం ప్రారంభించింది.

మహిళల పట్ల సమాజంలో ఉన్న ఈ సంకుచిత మనస్తత్వంపై, ముఖ్యంగా వయసు పైబడుతున్న స్టార్ హీరోయిన్లను టార్గెట్ చేసే ధోరణిపై బాలీవుడ్ నటి, బీజేపీ ఎంపీ కంగనా రనౌత్ తీవ్రంగా స్పందించారు. ఐశ్వర్యకు మద్దతుగా నిలుస్తూ ట్రోలర్స్‌కు ఆమె ఇచ్చిన ఘాటైన కౌంటర్ ఇప్పుడు నెట్టింట వైరల్‌గా మారింది.

Read Also : Hallallallo Full Video Song: ఫుల్ వీడియో సాంగ్ వచ్చేసింది.. రామ్ చరణ్, జాన్వీ కపూర్ మాస్ డ్యాన్స్‌తో యూట్యూబ్ షేక్!

Body shaming of Aishwarya Rai at Cannes 2026.. Kangana counters trollers!

Kangana Ranaut: ఆమె ఎవరికీ ఏమీ బాకీ లేదు.. కంగనా

సమాజంలో మహిళలపై, వారి లుక్స్ పై ఉండే అంచనాలను కంగనా రనౌత్ పూర్తిగా తప్పుబట్టారు. ఐశ్వర్యా రాయ్ కేన్స్ రెడ్ కార్పెట్ ఫొటోను తన ఇన్‌స్టాగ్రామ్ స్టోరీలో షేర్ చేస్తూ.. ఒక మహిళ ఆత్మగౌరవాన్ని తట్టిలేపేలా ఎమోషనల్ నోట్ రాసుకొచ్చారు.

“ఫ్యాషన్, స్టైల్ అనేవి ఒకరి స్వీయ వ్యక్తీకరణ. ఇది జీవితం పట్ల, వారి వైఖరి పట్ల వారికీ ఉండే వ్యక్తిగత అవగాహన. సమాజంలో ఏ మహిళా ఎవరికీ ఏమీ బాకీ లేదు. ఐశ్వర్య ఈ లుక్‌లో చాలా అద్భుతంగా, మహారాణిలా కనిపిస్తోంది. ఆమెను వేరే విధంగా చూడాలనుకునే వారు, మొదట మీరేంటో సమాజంలో నిరూపించుకోండి. ఆమె ఇక్కడ మిమ్మల్ని మెప్పించడానికి లేదు.. ఆమె ఎప్పటికీ వైభవంగానే ఉంటుంది” అని కంగనా కొనియాడారు.