కేసీఆర్‌పై కవిత సంచలన ఆరోపణలు

Kalvakuntla Kavitha: ఉద్యమ సమయంలో కేసీఆర్ ప్రజలతో మమేకమైన తీరు అద్భుతమని, అందులో ఎవరికీ ఎటువంటి సందేహాలు లేవని కవిత పేర్కొన్నారు. అయితే, ముఖ్యమంత్రి పీఠం అధిష్టించిన తర్వాత ఆయన ప్రజలకు క్రమంగా దూరమయ్యారని ఆమె అభిప్రాయపడ్డారు.

ఓ మీడియా సంస్థ కార్యక్రమంలో ఆమె మాట్లాడుతూ, పరిపాలనలో నిమగ్నమై ఆయన ఒక యంత్రంలా మాత్రమే పనిచేశారని, ఆ క్రమంలో ప్రజల భావోద్వేగాలను అర్థం చేసుకోవడంలో విఫలమయ్యారని విమర్శించారు.

KCR has become like a machine: Kavitha

Kalvakuntla Kavitha: కుటుంబ సభ్యులకే దక్కని ప్రాధాన్యత

బీఆర్ఎస్ అధినేతగా కేసీఆర్ గారు ఎంతో కఠినంగా ఉండేవారని కవిత గుర్తు చేసుకున్నారు. కన్నబిడ్డగా తన సమస్యలను చెప్పుకునే అవకాశం కూడా తనకు లభించలేదని ఆమె ఆవేదన వ్యక్తం చేశారు. “సొంత కుటుంబ సభ్యులకే అందుబాటులో లేని వ్యక్తి, ఇక సామాన్య ప్రజల కష్టాలను ఏ విధంగా వినగలరు?” అంటూ ఆమె సూటిగా ప్రశ్నించారు. ఈ కఠిన వైఖరి వల్లే ప్రజలకు, నాయకత్వానికి మధ్య అంతరం పెరిగిందని విమర్శించారు.

ఉద్యమ నాయకుడిగా ప్రజల హృదయాల్లో ఉన్న కేసీఆర్ గారు, ముఖ్యమంత్రిగా కేవలం ఒక యంత్రంలా మారిపోవడమే ప్రస్తుత రాజకీయ మార్పులకు ప్రధాన కారణమని కవిత స్పష్టం చేశారు. నాయకుడు ప్రజల మనిషిగా ఉన్నప్పుడే వారి కష్టనష్టాలు తెలుస్తాయని, కేవలం పరిపాలనకే పరిమితమైతే భావోద్వేగాల వెనుక ఉన్న వాస్తవాలు కనిపించవని ఆమె అభిప్రాయపడ్డారు.