బ్యాంకు ఉద్యోగ సంఘాలు తలపెట్టిన దేశవ్యాప్త సమ్మెకు, సాధారణ మరియు పండుగ సెలవులు వరుసగా కలిసిరావడమే ఇందుకు ప్రధాన కారణం. కాబట్టి అత్యవసరమైన ఆర్థిక లావాదేవీలు ఉన్నవారు ముందుగానే తమ పనులను ముగించుకోవాలని బ్యాంకింగ్ వర్గాలు హెచ్చరిస్తున్నాయి.

సెలవులు మరియు సమ్మె వివరాలు

యూనిటెడ్ ఫోరమ్ ఆఫ్ బ్యాంక్ యూనియన్స్ (UFBU) తమ డిమాండ్ల సాధనలో భాగంగా సెప్టెంబర్ 11, శుక్రవారం నాడు ఒకరోజు దేశవ్యాప్త సమ్మెకు పిలుపునిచ్చింది. దీనికి తోడుగా సెప్టెంబర్ 12న రెండో శనివారం, సెప్టెంబర్ 13న ఆదివారం కావడంతో సాధారణ వారాంతపు సెలవులు వచ్చాయి. అలాగే సెప్టెంబర్ 14, సోమవారం వినాయక చవితి పండుగ పురస్కరించుకుని పలు రాష్ట్రాల్లో బ్యాంకులకు సెలవు ప్రకటించారు. వెరసి శుక్రవారం నుంచి సోమవారం వరకు బ్యాంకులు పనిచేయవు.

Bank Holidays: సమ్మె వెనుక ఉన్న ప్రధాన డిమాండ్లు ఏమిటి?

వారానికి ఐదు రోజులు మాత్రమే పనిదినాలుగా మార్చాలన్నది బ్యాంకు ఉద్యోగుల సంఘాల ప్రధాన డిమాండ్‌గా ఉంది. దీనిపై గతంలోనే అంగీకారం కుదిరినా అమలులో జరుగుతున్న జాప్యంపై యూనియన్లు ఆగ్రహం వ్యక్తం చేస్తున్నాయి. దీనితో పాటు పనితీరు ఆధారిత ప్రోత్సాహకాల (PLI) పథకం సమీక్ష, పెన్షన్ సమస్యల పరిష్కారం వంటి అంశాలపై ఇండియన్ బ్యాంక్స్ అసోసియేషన్ (IBA) అధికారులతో జరిపిన చర్చలు విఫలమయ్యాయి. ప్రభుత్వ వర్గాల నుంచి స్పష్టమైన హామీ రాకపోవడంతో యూనియన్లు సమ్మెకు సిద్ధపడ్డాయి.

భవిష్యత్తులో మరింత ఉద్ధృతమైన ఆందోళనలకు హెచ్చరిక

ప్రభుత్వం నుంచి తగిన స్పందన రాకపోతే తమ ఆందోళనలను మరింత తీవ్రతరం చేస్తామని యూఎఫ్‌బీయూ స్పష్టం చేసింది. డిమాండ్లు నెరవేరకపోతే సెప్టెంబర్ 28 నుంచి 30 వరకు మూడు రోజుల పాటు, అక్టోబర్ 26 నుంచి నిరవధిక సమ్మెకు దిగుతామని హెచ్చరించింది. ఈ సమ్మె ప్రభావం ప్రధానంగా స్టేట్ బ్యాంక్ ఆఫ్ ఇండియా (SBI) సహా ఇతర ప్రభుత్వ రంగ బ్యాంకు అధికారులపై ఎక్కువగా ఉండనుండగా, ప్రైవేట్ బ్యాంకు సేవలు యథావిధిగా సాగే అవకాశం ఉంది.

ఖాతాదారులకు డిజిటల్ సేవలే ఆధారం

బ్యాంకుల బంద్ నేపథ్యంలో నగదు డిపాజిట్లు, విత్‌డ్రాలు, చెక్కుల క్లియరెన్స్ వంటి పనులను సెప్టెంబర్ 11 లోపే పూర్తి చేసుకోవడం సురక్షితం. అయితే భయపడాల్సిన పనిలేకుండా ఏటీఎంలు, ఇంటర్నెట్ బ్యాంకింగ్, మొబైల్ యాప్‌లు మరియు యూపీఐ డిజిటల్ సేవలు ఎప్పుడూ మాదిరిగానే పనిచేస్తాయి. అయినప్పటికీ కొన్ని ఏటీఎంలలో నగదు నిండుకునే అవకాశం ఉన్నందున ముందుగానే తగినంత నగదును సమకూర్చుకోవడం మంచిది.

యువకుడి కడుపులో గర్భాశయం.. వైద్యులను ఆశ్చర్యపరిచిన అరుదైన కేసు