అమెరికా, ఇజ్రాయెల్ వైమానిక దాడుల్లో మరణించిన ఇరాన్ సుప్రీం లీడర్ అలీ ఖమేనీ అంత్యక్రియల వేడుకల్లో పాల్గొనేందుకు పాక్ ప్రధాని షెహబాజ్ షరీఫ్, సైన్యాధిపతి అసిమ్ మునీర్‌లతో కూడిన ఉన్నత స్థాయి బృందం టెహ్రాన్ వెళ్ళింది. దీనిపై అమెరికా రిపబ్లికన్ సెనేటర్ రిక్ స్కాట్ తీవ్రంగా మండిపడ్డారు. అమెరికా-ఇరాన్ మధ్య కాల్పుల విరమణ ఒప్పందం (Islamabad MoU) కోసం పాకిస్థాన్ మధ్యవర్తిగా వ్యవహరించిన తీరును ఆయన తప్పుబడుతూ, పాక్ డబుల్ గేమ్ ఆడుతోందని ఆరోపించారు. ట్విట్టర్ (X) వేదికగా స్పందించిన రిక్ స్కాట్, పాకిస్థాన్‌కు ఉగ్రవాదంతో ఉన్న పాత సంబంధాలను అంతర్జాతీయ సమాజానికి మరోసారి గుర్తుచేశారు. మోస్ట్ వాంటెడ్ టెర్రరిస్ట్ ఒసామా బిన్ లాడెన్ దాదాపు ఒక దశాబ్దం పాటు సురక్షితంగా తలదాచుకున్న దేశం పాకిస్థానేనని ఎండగట్టారు. అలాంటి దేశానికి అమెరికా-ఇరాన్ చర్చల్లో మధ్యవర్తిత్వం వహించే అర్హత లేదని, హమాస్ ఉగ్రవాదులకు ఆశ్రయం ఇస్తున్న ఖతార్ కంటే పాక్ ఏమాత్రం భిన్నమైనది కాదని ఘాటు వ్యాఖ్యలు చేశారు.

Read Also: Indonesia : భారత్ ను చూసి ఇండోనేషియా ఎంతో నేర్చుకోవాలి - ఇండోనేషియా ప్రెసిడెంట్

Pakistan PM

Pakistan PM : పాక్‌లో మతపరమైన హింసపై నిలదీత

ఖమేనీని ఒక గొప్ప పండితుడిగా, ముస్లింల ఆరాధ్య నాయకుడిగా కీర్తిస్తూ పాక్ ప్రధాని చేసిన వ్యాఖ్యల వీడియోను సెనేటర్ షేర్ చేశారు. సొంత దేశంలో క్రైస్తవులు మరియు ఇతర మైనారిటీలను హింసించడానికి పక్షపాతపూరితమైన దైవదూషణ చట్టాలను (Blasphemy Laws) వాడుకునే పాకిస్థాన్, ఇరాన్‌లో జాతిహత్యలకు కారణమైన నియంతను ప్రశంసించడం వారి కపటనీతికి నిదర్శనమన్నారు. ఇస్లామాబాద్ ఉగ్రవాద అనుకూల చర్యలపై వాషింగ్టన్ కఠినమైన నిఘా ఉంచిందని హెచ్చరించారు. మరోవైపు ఇరాన్‌లోని పవిత్ర నగరమైన ఖోమ్ మరియు టెహ్రాన్ వీధుల్లో జరుగుతున్న ఖమేనీ అంతిమయాత్రకు వేలాది మంది స్థానికులు, అంతర్జాతీయ ప్రతినిధులు హాజరయ్యారు. జామ్‌కరన్ మసీదులో జరిగిన ప్రార్థనల సందర్భంగా అక్కడి ప్రజలు అమెరికా, ఇజ్రాయెల్‌లకు వ్యతిరేకంగా భారీగా నినాదాలు చేశారు. అమెరికా అధ్యక్షుడు డొనాల్డ్ ట్రంప్, ఇజ్రాయెల్ ప్రధాని నెతన్యాహు దిష్టిబొమ్మలను దహనం చేస్తూ ప్రతీకారం తీర్చుకుంటామని నినదించారు. ఈ ఉద్రిక్తతల మధ్యే ఇరాన్ కొత్త సుప్రీం లీడర్‌గా ఖమేనీ కుమారుడు మొజ్తబా ఖమేనీ బాధ్యతలు స్వీకరించినప్పటికీ, ఈ అంత్యక్రియల ఊరేగింపుల్లో ఆయన బహిరంగంగా కనిపించకపోవడం గమనార్హం.

చైనాలో వరద బీభత్సం.. తప్పించుకున్న 900 పాములు