North Korea Nuclear Policy: ఉత్తర కొరియా తన అణు విధానంలో అత్యంత కీలకమైన, భయంకరమైన మార్పును ప్రవేశపెట్టింది. రాజధాని ప్యాంగ్‌యాంగ్‌లో జరిగిన 15వ సుప్రీం పీపుల్స్ అసెంబ్లీ మొదటి సమావేశంలో ఈ మేరకు రాజ్యాంగ సవరణను ఆమోదించినట్లు 'ది టెలిగ్రాఫ్' నివేదిక వెల్లడించింది.

దీని ప్రకారం, దేశ అత్యున్నత నాయకత్వంపై ఎలాంటి ముప్పు పొంచి ఉన్నా ప్రత్యర్థి దేశాలపై తక్షణమే అణు బాంబులతో విరుచుకుపడేలా నిబంధనలను మార్చారు.

Read Also: Happy Mothers Day 2026: అమ్మ గొప్పతనాన్ని చాటి చెప్పే అద్భుతమైన మాటలు!

ఆర్టికల్ 3: ఆటోమెటిక్ అణు దాడి నిబంధన

కొత్తగా సవరించిన చట్టంలోని ఆర్టికల్ 3 ప్రకారం, ఒకవేళ విదేశీ దాడుల వల్ల కిమ్ జోంగ్ ఉన్, హత్యకు గురైనా, ఆ దేశ అణ్వాయుధ కమాండ్ కంట్రోల్ వ్యవస్థ ప్రమాదంలో పడితే.. ఎవరి ఆదేశాలు లేకుండానే ‘ఆటోమెటిక్‌గా, తక్షణమే’ అణుదాడి ప్రారంభమవుతుంది. అంటే శత్రువులు కిమ్‌ను లక్ష్యంగా చేసుకుంటే, మరుక్షణమే ఆ దేశ అణు క్షిపణులు శత్రువుల మీదకు దూసుకెళ్తాయి.

Kim Jong Un

North Korea Nuclear Policy: తిరుగులేని ఆధిపత్యం

ఈ కొత్త చట్టం దేశ అణ్వాయుధాలపై కిమ్ జోంగ్ ఉన్ కు ఉన్న ఏకఛత్రాధిపత్యాన్ని మరింత బలపరుస్తుంది. గతంలో అణుదాడికి కిమ్ స్వయంగా ఆదేశాలు ఇవ్వాల్సి ఉండేది. కానీ ఇప్పుడు ఆయన ప్రాణానికే ముప్పు వస్తే వ్యవస్థే స్పందించేలా నిబంధనలు రూపొందించారు. కేవలం అణ్వాయుధాలు కలిగి ఉండటమే కాకుండా, వాటి వినియోగంపై వెనక్కి తగ్గేది లేదని ఉత్తర కొరియా అంతర్జాతీయ సమాజానికి ఈ నిర్ణయం ద్వారా హెచ్చరికలు పంపింది.