ఉద్యానవన శాఖ ఈ ప్రత్యేక ప్రాజెక్టును రూపొందించింది. జమ్మూ కాశ్మీర్ ప్రాంతానికి మాత్రమే పరిమితమైన ఈ సుగంధ ద్రవ్య పంటను మన రాష్ట్రంలో పండించడం ద్వారా రైతుల జీవితాల్లో కొత్త వెలుగులు నింపాలని లక్ష్యంగా పెట్టుకున్నారు. కిలో కుంకుమపువ్వు మార్కెట్ ధర లక్షల్లో ఉండటంతో గిరిజన రైతులు సంప్రదాయ పద్ధతులను పక్కనపెట్టి భారీ లాభాలు ఆర్జించే అవకాశం ఏర్పడింది.

Read also: Visakhapatnam job mela: విశాఖపట్నంలో రేపు భారీ ఉద్యోగ మేళా!

Saffron cultivation in Manyam, AP

చింతపల్లి వాతావరణం కాశ్మీర్ పాంపోర్ పోలికలు

చింతపల్లి లంబసింగి పరిసర ప్రాంతాలలో శీతాకాల సమయాలలో ఉష్ణోగ్రతలు చాలా తక్కువ స్థాయికి పడిపోతాయి. ఈ వాతావరణ పరిస్థితులు కాశ్మీర్ లోని ప్రసిద్ధ పాంపోర్ ప్రాంత వాతావరణాన్ని పోలి ఉన్నాయని వ్యవసాయ నిపుణులు గుర్తించారు. ఇక్కడి మట్టి సారం తేమ శాతం కుంకుమపువ్వు దుంపల అభివృద్ధికి అత్యంత అనుకూలంగా ఉంటాయని ప్రాథమిక సర్వేలలో తేలింది. ఈ కారణంగానే ప్రభుత్వం కాశ్మీర్ నుంచి నాణ్యమైన విత్తన దుంపలను తెప్పించి రైతులకు ఉచితంగా అందించాలని నిర్ణయించింది. కాశ్మీర్ శాస్త్రవేత్తల ప్రత్యక్ష పర్యవేక్షణలో సాగు మెళకువలు దిగుబడి సేకరణ వంటి అంశాలపై రైతులకు ప్రత్యేక శిక్షణ తరగతులు కూడా నిర్వహిస్తారు.

AP saffron cultivation:గిరిజనులకు ఉపాధి పర్యాటక రంగంలో కొత్త గుర్తింపు

ఈ పైలట్ ప్రాజెక్ట్ విజయవంతం అయితే జిల్లా వ్యాప్తంగా విస్తరించేందుకు ఉద్యానవన శాఖ సమాయత్తం అవుతోంది. దీనివల్ల స్థానిక గిరిజనులకు శాశ్వత ఉపాధి అవకాశాలు పెరుగుతాయి. ఒకప్పుడు వివాదాస్పద పంటల సాగు జరిగిన ప్రాంతంలో ఇప్పుడు సువాసనలు వెదజల్లే కుంకుమపువ్వు పూయడం చారిత్రాత్మక మార్పుగా నిలుస్తుంది. ఈ ప్రాజెక్ట్ సక్సెస్ సాధిస్తే పర్యాటక రంగం కూడా గణనీయంగా అభివృద్ధి చెందుతుంది. రాష్ట్ర వ్యవసాయ రంగంలో ఇది ఒక సరికొత్త అధ్యాయానికి నాంది పలుకుతుంది.

Epaper: epaper.vaartha.com

నేటి నుంచి పొగాకు రైతులకు నగదు జమ