ఇందులో భాగంగా 'సిమ్లా గ్రీన్' మరియు 'స్టీల్ గ్రే' అనే రెండు కొత్త ఎక్స్‌క్లూజివ్ డ్యూయల్-టోన్ కలర్ వేరియంట్లను మార్కెట్‌లోకి విడుదల చేసింది. బ్రాండ్ యొక్క ప్రసిద్ధ 'ర్యాలీ మోంటే కార్లో' మోటార్‌స్పోర్ట్ వారసత్వానికి ప్రతీకగా రూపుదిద్దుకున్న ఈ లిమిటెడ్ ఎడిషన్ కార్లను కేవలం 200 యూనిట్లకు మాత్రమే పరిమితం చేశారు. సిగ్నేచర్ బ్లాక్-అవుట్ ఎక్స్‌టీరియర్ డిజైన్, ఆకట్టుకునే ఇంటీరియర్ థీమ్‌తో పాటు స్కోడా నిరూపితమైన TSI ఇంజన్ టెక్నాలజీతో వస్తున్న ఈ వేరియంట్లు, ప్రత్యేకమైన విజువల్ అప్పీల్ కోరుకునే కస్టమర్లను విశేషంగా ఆకట్టుకోనున్నాయని స్కోడా ఆటో ఇండియా బ్రాండ్ డైరెక్టర్ ఆశిష్ గుప్తా తెలిపారు.

పవర్‌ఫుల్ పర్ఫార్మెన్స్ & ఆధునిక ఫీచర్లు

ఈ కొత్త కలర్ ఎడిషన్ కార్లు 1.0-లీటర్ TSI (6-స్పీడ్ టాప్ కన్వర్టర్ AT) మరియు 1.5-లీటర్ TSI (7-స్పీడ్ DSG) ఆటోమాటిక్ వేరియంట్లలో లభ్యమవుతున్నాయి. వీటిలో 1.5-లీటర్ ఫోర్-సిలిండర్ ఇంజన్ 'యాక్టివ్ సిలిండర్ టెక్నాలజీ' (ACT) తో వస్తోంది. ఇది తక్కువ లోడ్‌లో ఉన్నప్పుడు ఇంధనాన్ని ఆదా చేయడానికి రెండు సిలిండర్లను ఆటోమేటిక్‌గా నిలిపివేస్తుంది. కేవలం డిజైన్ మరియు ఇంజనీరింగ్ పరంగానే కాకుండా, కోయంబత్తూరులోని కోస్ట్ ట్రాక్‌పై 'ఇండియా అండ్ ఆసియా బుక్ ఆఫ్ రికార్డ్స్' నెలకొల్పిన స్కోడా రేసింగ్ DNAను ఈ మోడల్ ప్రతిబింబిస్తోంది. ప్రీమియం డ్రైవింగ్ అనుభవాన్ని కోరుకునే భారతీయ కార్ ప్రేమికులకు ఈ లిమిటెడ్ మోంటే కార్లో మోడల్ ఒక ప్రత్యేకమైన ఎంపికగా నిలవనుంది.

ఎస్బీఐ ఫండ్స్ మేనేజ్‌మెంట్ ఐపీఓ బంపర్ ధమాకా