దేశ ప్రగతి చక్రం నిరంతరం ముందుకు సాగడంలో ఈ వర్గాల పాత్ర వెలకట్టలేనిదని ఆమె స్పష్టం చేశారు. ముఖ్యంగా ప్రపంచాన్ని కుదిపేసిన కొవిడ్ మహమ్మారి తర్వాతి కాలంలో కూడా భారత ఆర్థిక వ్యవస్థ ఎంతో స్థిరంగా, వేగంగా పుంజుకోవడానికి మధ్యతరగతి ప్రజల కొనుగోలు శక్తే ప్రధాన కారణమని ఆమె విశ్లేషించారు. దేశంలో వస్తువులు, సేవల వినియోగాన్ని పెంచుతూ, మార్కెట్లకు ఊతాన్ని ఇస్తున్న అసలైన బలమైన శక్తులు మధ్యతరగతి వారేనని కేంద్ర మంత్రి కొనియాడారు.

2036 నాటికి 96 శాతం ఖర్చు వీరిదే - కేంద్రం ప్రత్యేక ఫోకస్

భారత భవిష్యత్ ఆర్థిక ముఖచిత్రంలో మధ్యతరగతి ప్రజల ప్రాధాన్యతను వివరిస్తూ ఆర్థికమంత్రి ఒక కీలక అంచనాను వెల్లడించారు. రాబోయే 2036 నాటికి దేశవ్యాప్తంగా జరిగే మొత్తం వినియోగదారుల ఖర్చుల్లో (Consumer Spending) సింహభాగం, అంటే ఏకంగా 96 శాతం వాటా మధ్యతరగతి ప్రజల నుంచే రాబోతోందని ఆమె పేర్కొన్నారు. ఈ నేపథ్యంలోనే మోదీ ప్రభుత్వం మిడిల్ క్లాస్ వర్గాల సంక్షేమం, వృద్ధిపై ప్రత్యేక దృష్టి సారించిందని చెప్పారు. వారి జీవన ప్రమాణాలను మెరుగుపరచడానికి, సరికొత్త ఉపాధి, వ్యాపార అవకాశాలను కల్పించడానికి మరియు వివిధ సంక్షేమ పథకాల ద్వారా వారి ఆర్థిక పురోగతికి కేంద్ర ప్రభుత్వం ఎల్లప్పుడూ కట్టుబడి ఉంటుందని నిర్మలా సీతారామన్ స్పష్టం చేశారు.

మెటాకు మరో షాక్.. కేంద్రం నోటీసులు?