నిజానికి, మద్యం రేట్ల పెంపుదలపై ఏర్పాటు చేసిన ధరల నిర్ణయ కమిటీ (Pricing Committee) ఇప్పటికే మద్యం తయారీ సంస్థలు (Breweries & Distilleries), అలాగే వివిధ అసోసియేషన్ల ప్రతినిధులతో దాదాపు 10 సార్లు సుదీర్ఘ చర్చలు జరిపింది. పెరిగిన ముడిసరుకుల ఖర్చులు, రవాణా ఛార్జీలను దృష్టిలో ఉంచుకుని ధరలు పెంచాల్సిందేనని కంపెనీలు కోరుతుండగా.. అటు ప్రభుత్వ ఆదాయాన్ని పెంచుకుంటూనే, ఇటు వినియోగదారులపై అదనపు భారం పడకుండా సమతుల్యత పాటించేలా అధికారులు ఈ సమావేశంలో ఒక స్పష్టమైన నిర్ణయానికి రానున్నట్లు తెలుస్తోంది.

మద్యం బాటిళ్ల సైజుల్లో మార్పులు: 150ml బాటిళ్ల ప్రవేశంపై ముమ్మర ఆలోచన

ధరల సవరణతో పాటు తెలంగాణలో విక్రయించే మద్యం బాటిళ్ల సైజుల్లో కూడా విప్లవాత్మక మార్పులు తీసుకురావాలని తయారీ కంపెనీలు ప్రభుత్వాన్ని కోరుతున్నాయి. ప్రస్తుతం మార్కెట్లో అందుబాటులో ఉన్న క్వార్టర్ (180ml) సైజు స్థానంలో, సరికొత్తగా 150ml సైజు బాటిళ్లను కూడా మార్కెట్లోకి తీసుకువచ్చే అంశాన్ని ప్రభుత్వం తీవ్రంగా పరిశీలిస్తోంది. ధరలు పెరిగినప్పుడు క్వార్టర్ బాటిల్ కొనడం సామాన్యులకు భారం కాకుండా ఉండేందుకు, ఈ 150ml బాటిల్స్ ప్రత్యామ్నాయంగా ఉపయోగపడతాయని కంపెనీలు ప్రతిపాదిస్తున్నాయి. దీనివల్ల కస్టమర్ల కొనుగోలు శక్తి దెబ్బతినకుండా నియంత్రించవచ్చని భావిస్తున్నారు. ఈ నెల 17న జరిగే సమావేశంలో ధరల పెంపుతో పాటు, ఈ సరికొత్త బాటిల్ సైజుల ప్రవేశంపై కూడా ప్రభుత్వం అధికారిక ముద్ర వేసే అవకాశం ఉంది.

మరో రెండేళ్లలో వరంగల్ ఎయిర్ పోర్ట్ పూర్తి - రామ్మోహన్