మొత్తం 16 జట్లు పాల్గొనే ఈ పోటీల్లో 41 మ్యాచ్‌లు నిర్వహించనున్నారు. డిఫెండింగ్ ఛాంపియన్ భారత్ మరోసారి టైటిల్‌ను నిలబెట్టుకోవడమే లక్ష్యంగా బరిలోకి దిగనుంది.

Hardik Pandya: హార్దిక్ పాండ్యాకు గాయం.. ఐపీఎల్ 2027 వరకు క్రికెట్‌కు దూరం?

జనవరి 22న వెస్టిండీస్‌తో భారత్ తొలి మ్యాచ్

భారత జట్టు గ్రూప్‌-Aలో ఐర్లాండ్, వెస్టిండీస్, ఆతిథ్య దేశం నేపాల్‌తో కలిసి ఉంది. భారత్ తన తొలి మ్యాచ్‌లో జనవరి 22న వెస్టిండీస్‌తో తలపడనుంది. ఈ మ్యాచ్ నేపాల్‌లోని ఖాట్మండులో ఉన్న టీయూ ఇంటర్నేషనల్ క్రికెట్ స్టేడియంలో జరగనుంది. భారత్‌తో పాటు నేపాల్ కూడా అదే రోజు తన తొలి మ్యాచ్ ఆడనుంది. నేపాల్ జట్టు ఐర్లాండ్‌తో తలపడనుంది.

నాలుగు గ్రూపులుగా 16 జట్లు

టోర్నీలో పాల్గొనే జట్లను నాలుగు గ్రూపులుగా విభజించారు.

• గ్రూప్ A: భారత్, ఐర్లాండ్, వెస్టిండీస్, నేపాల్
• గ్రూప్ B: దక్షిణాఫ్రికా, న్యూజిలాండ్, పాకిస్థాన్, సమోవా
• గ్రూప్ C: ఆస్ట్రేలియా, బంగ్లాదేశ్, నైజీరియా, యూఏఈ
• గ్రూప్ D: ఇంగ్లండ్, శ్రీలంక, అమెరికా, స్కాట్లాండ్

జనవరి 21న నాలుగు మ్యాచ్‌లతో ప్రపంచకప్ ప్రారంభమవుతుంది. గ్రూప్ దశ మ్యాచ్‌లు జనవరి 26 వరకు కొనసాగుతాయి. అనంతరం అర్హత సాధించిన జట్లు సూపర్ సిక్స్ దశలో పోటీపడతాయి. అక్కడి నుంచి ఉత్తమ ప్రదర్శన చేసిన జట్లు సెమీఫైనల్స్‌కు చేరుకుంటాయి.

చట్టోగ్రామ్, సిల్హెట్, ఖాట్మండులో మ్యాచ్‌లు

ఈ ప్రపంచకప్ మ్యాచ్‌లను బంగ్లాదేశ్‌లోని చట్టోగ్రామ్, సిల్హెట్‌తో పాటు నేపాల్ రాజధాని ఖాట్మండులో నిర్వహించనున్నారు. మొత్తం నాలుగు స్టేడియాలను మ్యాచ్‌ల కోసం ఎంపిక చేశారు. సెమీఫైనల్స్ ఫిబ్రవరి 4న జరగనున్నాయి. ఫిబ్రవరి 5ను రిజర్వ్ డేగా కేటాయించారు. ఫైనల్ మ్యాచ్ ఫిబ్రవరి 6న జరగనుంది. వర్షం లేదా ఇతర కారణాలతో ఫైనల్ నిర్వహణకు అంతరాయం కలిగితే ఫిబ్రవరి 7ను రిజర్వ్ డేగా ఉంచారు.

India U19 Women: టైటిల్ నిలబెట్టుకోవడంపై భారత్ దృష్టి

గత ఎడిషన్‌లో విజేతగా నిలిచిన భారత జట్టు ఈసారి కూడా టైటిల్‌ను కాపాడుకోవాలని లక్ష్యంగా పెట్టుకుంది. యువ మహిళా క్రికెటర్లకు అంతర్జాతీయ స్థాయిలో తమ ప్రతిభను నిరూపించుకునేందుకు ఈ టోర్నీ మంచి వేదిక కానుంది. టోర్నీ ప్రారంభానికి ఇంకా సమయం ఉండటంతో జట్ల సన్నాహాలు, ఆటగాళ్ల ఎంపికపై అభిమానుల్లో ఆసక్తి నెలకొంది.

కెప్టెన్సీ వదిలాక అదిరిపోయిన బ్యాటింగ్.. భావోద్వేగానికి గురైన హర్మన్‌ప్రీత్