తాజా భాషా పరిశోధనలు కూడా భారతదేశంలోని భాషా వైవిధ్యం కేవలం భాషల సంఖ్యకే పరిమితం కాకుండా, వేలాది మాండలికాల వరకు విస్తరించి ఉందని సూచిస్తున్నాయి.

శ్రీలంకలో మాట్లాడే జాఫ్నా తమిళంలో కూడా :

తమిళంలో మద్రాస్ బాషై, కొంగు తమిళం, మదురై, నెల్లై వంటి ప్రాంతీయ రూపాలు ఉన్నాయి. శ్రీలంకలో మాట్లాడే జాఫ్నా తమిళంలో కూడా భారతీయ తమిళంతో పోలిస్తే ప్రత్యేక పదజాలం, ఉచ్చారణ కనిపిస్తుంది. కొంగు తమిళం ప్రధానంగా తమిళనాడులోని పశ్చిమ ప్రాంతాల్లో వినిపిస్తుంది.

కన్నడలో మైసూరు-బెంగళూరు, ఉత్తర కర్ణాటక, తీర ప్రాంత కన్నడ వంటి విభిన్న రూపాలు ఉన్నాయి. మంగళూరు ప్రాంతపు కన్నడపై తుళు, కొంకణి భాషల ప్రభావం కనిపిస్తుండగా, ఉత్తర కర్ణాటక మాండలికాల్లో కొన్ని పురాతన ధ్వని లక్షణాలు కొనసాగుతున్నాయి.

మలయాళంలో మలబార్, త్రిసూర్-కొచ్చి, దక్షిణ కేరళ వంటి ప్రాంతీయ మాండలికాలు ఉన్నాయి. ఉత్తర మలయాళంలో కన్నడ ప్రభావం, దక్షిణ ప్రాంతాల్లో తమిళ ప్రభావం కూడా కనిపిస్తుంది. హిందీలో ఖరీ బోలి, భోజ్‌పురి తదితర ప్రాంతీయ భాషా రూపాలు ఉన్నాయి. ఢిల్లీ-పశ్చిమ ఉత్తరప్రదేశ్ ప్రాంతంతో అనుబంధం ఉన్న ఖరీ బోలి ఆధునిక ప్రామాణిక హిందీ అభివృద్ధిలో ముఖ్యమైన పాత్ర పోషించింది. మరాఠీలో కూడా ప్రాంతానుసారం ఉచ్చారణ, పదజాలంలో గణనీయమైన తేడాలు ఉన్నాయి. వరహాడి, జాడీబోలి, మాల్వాణి వంటి రూపాలు ఇందుకు ఉదాహరణలు. కొన్ని మాండలికాల్లో పొరుగు భాషల ప్రభావం స్పష్టంగా కనిపిస్తుంది.

అందుకే యాస అనేది భాషకు లోపం కాదు.. ఒక ప్రాంతం చరిత్ర, సంస్కృతి, జీవనశైలిని ప్రతిబింబించే భాషా సంపద. మన తెలుగు యాసల మాదిరిగానే ఇతర భారతీయ భాషల యాసలు కూడా దేశంలోని భాషా వైవిధ్యానికి అందమైన గుర్తులుగా నిలుస్తున్నాయి.

టెలికాం రంగంలో చైనాకు చెక్.. పాత నెట్‌వర్క్‌లపైనా కేంద్రం దృష్టి..!