MLA Lokam Naga Madhavi : విజయనగరం జిల్లా భోగాపురం మండలం ముక్కం గ్రామంలో 'మత్స్యకారుల సేవలో' కార్యక్రమం అత్యంత ఘనంగా నిర్వహించబడింది. ఈ సభకు నెల్లిమర్ల నియోజకవర్గ శాసనసభ్యురాలు (ఎమ్మెల్యే) లోకం నాగ మాధవి ముఖ్య అతిథిగా హాజరై, లబ్ధిదారులకు ప్రభుత్వ ప్రయోజనాలను అందజేశారు.

ముఖ్యమంత్రి నారా చంద్రబాబు నాయుడు నేతృత్వంలోని ఎన్డీయే కూటమి ప్రభుత్వం మత్స్యకారుల ఆర్థిక భద్రత, సంక్షేమానికి అత్యంత ప్రాధాన్యత ఇస్తోందని ఆమె స్పష్టం చేశారు.

వేట నిషేధ భృతి రూ.20,000లకు పెంపు

సముద్రంలో చేపల పునరుత్పత్తి కాలమైన 61 రోజుల వేట నిషేధ సమయంలో (ఏప్రిల్ 15 నుండి జూన్ 14 వరకు) మత్స్యకారులు ఉపాధి కోల్పోకుండా ప్రభుత్వం అండగా నిలుస్తోందని ఎమ్మెల్యే తెలిపారు. గత ప్రభుత్వం ఇచ్చిన రూ.10,000ల సహాయాన్ని కూటమి ప్రభుత్వం తన ఎన్నికల హామీ మేరకు రూ.20,000/-లకు పెంచి, నేరుగా లబ్ధిదారుల ఖాతాల్లో డిబిటి (DBT) పద్ధతిలో జమ చేస్తోందని వెల్లడించారు.

విజయనగరం జిల్లాలోని 28 కిలోమీటర్ల తీర ప్రాంతం పరిధిలోని 19 గ్రామాలకు చెందిన 4,124 మంది మత్స్యకారులకు గానూ మొత్తం రూ.8.248 కోట్లను విడుదల చేసినట్లు ఆమె వివరించారు. ఇందులో ఒక్క ముక్కం గ్రామం నుంచే అత్యధికంగా 200 పడవలకు సంబంధించి 1,047 మంది లబ్ధిదారులు ప్రయోజనం పొందారు.

Nellimarla MLA Lokam Naga Madhavi addressing the fishermen community during the Matsyakarula Sevalo program at Mukkam village in Bhogapuram.

MLA Lokam Naga Madhavi : ఉప ముఖ్యమంత్రి పవన్ కళ్యాణ్ గారిపై ప్రశంసలు

గత ప్రభుత్వ హయాంలో మత్స్యకారులు పడవ ప్రమాదానికి గురై ఇబ్బందుల్లో ఉన్నప్పుడు, ప్రభుత్వం కంటే ముందే స్పందించి తన సొంత నిధులతో తక్షణ ఆర్థిక సహాయం అందించిన ఉదారవాది డిప్యూటీ సీఎం పవన్ కళ్యాణ్ అని ఎమ్మెల్యే లోకం నాగ మాధవి కొనియాడారు. కూటమి ప్రభుత్వంలో మత్స్యకారుల ప్రయోజనాల కోసం ఆయన ప్రత్యేక శ్రద్ధ వహిస్తున్నారని గుర్తుచేశారు.

MLA Lokam Naga Madhavi: మరిన్ని సంక్షేమ పథకాలు

• డెలివరీ అండ్ డీజిల్ సబ్సిడీ: మత్స్యకారుల మోటారు పడవలకు స్మార్ట్ కార్డులు జారీ చేసి, లీటరుకు రూ.9.00ల రాయితీతో డీజిల్ కొనుగోలు చేసే వెసులుబాటు కల్పించారు.
• పీఎం మత్స్య సంపద యోజన (PMMSY): ఈ పథకం ద్వారా జనరల్ కేటగిరీ వారికి 40 శాతం, ఎస్సీ, ఎస్టీ మరియు మహిళా లబ్ధిదారులకు 60 శాతం భారీ సబ్సిడీలతో వివిధ యూనిట్లను మంజూరు చేశారు.
• బహుళార్ధసాధక మత్స్య కేంద్రం: పూసపాటిరేగ మండలం పతివాడ బర్రిపేటను ఆదర్శ వాతావరణ గ్రామంగా (CRCFV) మార్చేందుకు రూ.200.00 లక్షలు కేటాయించారు. ఇందులో భాగంగా నిర్మించనున్న మత్స్య కేంద్రానికి ఎమ్మెల్యే చేతుల మీదుగా శంకుస్థాపన జరిగింది.
• పెన్షన్ మరియు భీమా: 50 ఏళ్లు దాటిన మత్స్యకారులకు నెలకు రూ.4,000/-ల పెన్షన్ ఇస్తూ, వేట సమయంలో ప్రమాదవశాత్తు మరణిస్తే ఆ కుటుంబానికి రూ.10.00 లక్షల భారీ ఎక్స్-గ్రేషియా అందిస్తున్నారు.