Chiranjeevi Podcast: వెండితెరపై అలరించిన మెగాస్టార్ చిరంజీవి ఇప్పుడు డిజిటల్ ప్రపంచంలోకి అడుగుపెడుతున్నారు. మెగాస్టార్ చిరంజీవి పోడ్‌కాస్ట్ ద్వారా ప్రేక్షకులకు మరింత దగ్గరవ్వాలని ప్లాన్ చేస్తున్నారు.

దశాబ్దాలుగా ఎన్నో అద్భుతమైన సినిమాలతో ప్రేక్షకులను రంజింపజేసిన ఆయన, ఇప్పుడు తన వ్యక్తిగత జీవిత ప్రయాణాన్ని పంచుకోనున్నారు. శూన్యం నుంచి స్టార్‌గా ఎలా ఎదిగారో ఈ షో ద్వారా వివరించబోతున్నారు. తన కష్టాలు, సవాళ్లను అభిమానులతో పంచుకోవడం ద్వారా అందరికీ స్ఫూర్తినివ్వాలని ఆయన భావిస్తున్నారు.

Read also: Peddi movie : 'పెద్ది' సెన్సార్ పూర్తి.. రన్‌టైమ్ చూసి ఫ్యాన్స్ షాక్

Megastar Chiranjeevi Podcast Show

బి.వి.ఎస్. రవి పర్యవేక్షణలో షో

ఈ కార్యక్రమాన్ని ప్రముఖ రచయిత బి.వి.ఎస్. రవి రూపొందిస్తున్నారు. అన్‌స్టాపబుల్ లాంటి సూపర్ హిట్ షోలకు పని చేసిన అనుభవం ఉండటంతో ఈ ప్రాజెక్ట్‌పై అంచనాలు పెరిగాయి. గోల్డ్ బాక్స్ ఎంటర్టైన్మెంట్స్ బ్యానర్‌పై ఈ షో రాబోతుందని సమాచారం. చిరంజీవి కుమార్తె సుష్మిత కొణిదెల కూడా ఈ ప్రాజెక్ట్ గురించి గతంలో సూచనలు ఇచ్చారు. అనుభవం ఉన్న రచయిత ప్లానింగ్ ఉండటంతో ఈ షో కంటెంట్ చాలా పవర్‌ఫుల్ ఉండబోతోంది.

Chiranjeevi Podcast: ఆసక్తి పెంచుతున్న కొత్త ఇన్నింగ్స్

చిరంజీవి పోడ్‌కాస్ట్‌లో ఎవరెవరు గెస్టులుగా వస్తారనేది ఇప్పుడు పెద్ద చర్చగా మారింది. స్టార్ హీరోలు, డైరెక్టర్లు ఇందులో కనిపిస్తారా లేదా అనే విషయంపై క్లారిటీ రావాల్సి ఉంది. తన కెరీర్‌లోని ఇండస్ట్రీ హిట్ సినిమాల గురించి కూడా చర్చ జరిగే అవకాశం ఉంది. వెండితెరపై బాక్సాఫీస్ రికార్డులు సృష్టించిన మెగాస్టార్, ఇప్పుడు ఓటీటీ వేదికపై ఎలాంటి సంచలనాలు చేస్తారో వేచి చూడాలి. అభిమానులు ఎంతో ఉత్సాహంగా ఈ సరికొత్త ఇన్నింగ్స్ కోసం ఎదురుచూస్తున్నారు.