Meenakshi Natarajan nomination rejection: రాష్ట్ర కాంగ్రెస్ వ్యవహారాల ఇన్‌ఛార్జి మీనాక్షి నటరాజన్ రాజ్యసభ నామినేషన్ తిరస్కరణ రాజకీయాల్లో తీవ్ర చర్చకు దారితీసింది.

మధ్యప్రదేశ్ నుంచి రాజ్యసభకు పోటీ చేసేందుకు ఆమె సమర్పించిన పత్రాలను అధికారులు తిరస్కరించడం ఇప్పుడు హాట్ టాపిక్ అయ్యింది. అఫిడవిట్‌లో తెలంగాణలో నమోదైన క్రిమినల్ కేసుల వివరాలు దాచారని అధికారులు పేర్కొనగా, కాంగ్రెస్ పార్టీ దీనిని తీవ్రంగా ఖండిస్తోంది. బీజేపీ కావాలనే ప్రజాస్వామ్యాన్ని ఖూనీ చేస్తూ నామినేషన్ తిరస్కరింపజేసిందని కాంగ్రెస్ అగ్రనేతలు ఆరోపిస్తున్నారు. ఓట్ల చోరీ తర్వాత ఇప్పుడు సీట్ల చోరీకి బీజేపీ పాల్పడుతోందని సీఎం రేవంత్ రెడ్డి మండిపడ్డారు. తెలంగాణలో ఆమెపై ఎలాంటి కేసులు లేవని, ఇది పూర్తిగా రాజకీయ ప్రేరేపిత చర్య అని పార్టీ నేతలు స్పష్టం చేశారు. ఈ ఘటన ప్రజాస్వామ్య విలువలపై జరిగిన దాడిగా వారు అభివర్ణించారు. దిల్లీలోని ఎన్నికల కమిషన్ కార్యాలయం ఎదుట కాంగ్రెస్ నేతలు నిరసన వ్యక్తం చేశారు.

Read also: TMC office to be vacated : ఢిల్లీలో టీఎంసీ కార్యాలయాన్ని ఖాళీ చేయనున్న అభిషేక్ బెనర్జీని

బీజేపీపై కాంగ్రెస్ నేతల తీవ్ర విమర్శలు

రాజ్యసభ ఎన్నికల చరిత్రలో ఈ రోజును ఒక చీకటి రోజని కాంగ్రెస్ మంత్రులు, నేతలు ఆవేదన వ్యక్తం చేశారు. కాంగ్రెస్ ఎమ్మెల్యేలను తమ వైపు తిప్పుకోవడంలో విఫలమైన బీజేపీ, ఇలాంటి నీచమైన పద్ధతులకు దిగజారిందని కేసీ వేణుగోపాల్ విమర్శించారు. రాజ్యాంగం, ప్రజాస్వామ్యంపై గౌరవం లేని బీజేపీ ప్రతిచోటా కుట్రలు చేస్తోందని ఆయన ఆరోపించారు. పీసీసీ అధ్యక్షుడు మహేశ్ కుమార్ గౌడ్, మంత్రులు పొన్నం ప్రభాకర్, సీతక్క, జూపల్లి కృష్ణారావు వంటి నేతలు ఈ ఘటనను తీవ్రంగా తప్పుబట్టారు. తెలంగాణలో ఆమెపై కేసుల వివరాలు ఏంటో నిరూపించాలని వారు డిమాండ్ చేశారు. నామినేషన్‌లో తప్పులున్నాయనడం పూర్తిగా అవాస్తవమని కాంగ్రెస్ నాయకత్వం చెబుతోంది. బీజేపీ అధికార దుర్వినియోగానికి ఇది పరాకాష్ట అని, ఎన్నికల ప్రక్రియను అవమానించడమేనని వారు వాదిస్తున్నారు. బీజేపీ కుట్రలను ప్రజలు గమనిస్తున్నారని కాంగ్రెస్ నేతలు హెచ్చరించారు.

Meenakshi Natarajan nomination rejection: రాజ్యసభ సీట్ల సమీకరణాలు – బీజేపీ ఎత్తుగడ