శనివారం అక్కడ నిర్వహించిన భారీ బహిరంగ సభలో ఆయన ప్రసంగిస్తూ.. సరిగ్గా 20 ఏళ్ల క్రితం, అంటే 2006 జూలై 4వ తేదీన మిడ్జిల్ మండల ప్రజలు తనను తొలిసారిగా గుండెలకు హత్తుకుని ఆశీర్వదించారని గుర్తుచేసుకున్నారు. ఆనాడు స్థానిక ప్రజలు ఒక నమ్మకంతో నాటిన చిన్న మొక్కే.. నేడు రాష్ట్రానికి సేవ చేసే స్థాయికి ఎదిగి పెద్ద వృక్షంగా మారిందని భావోద్వేగానికి లోనయ్యారు.

బూర్గుల, జైపాల్ రెడ్డిలను స్మరించుకున్న సీఎం

మిడ్జిల్, కల్వకుర్తి ప్రాంతాలకు సుదీర్ఘమైన మరియు ఉజ్వలమైన రాజకీయ చరిత్ర ఉందని సీఎం రేవంత్ రెడ్డి కొనియాడారు. గతంలో ఈ గడ్డపై నుంచి దేశ గమనాన్ని మార్చిన ఎందరో మహానుభావులు వచ్చారని ఆయన స్మరించుకున్నారు. నాటి హైదరాబాద్ రాష్ట్రానికి మొట్టమొదటి ముఖ్యమంత్రిగా సేవలందించిన దిగ్గజ నేత బూర్గుల రామకృష్ణారావు ఉమ్మడి మహబూబ్‌నగర్ జిల్లా బిడ్డేనని గర్వంగా ప్రకటించారు.

అదేవిధంగా, పార్లమెంట్ సభ్యుడిగా (MP), కేంద్ర మంత్రిగా దేశవ్యాప్తంగా తనదైన ముద్ర వేసి, విలువలతో కూడిన రాజకీయాలు చేసిన ఎస్. జైపాల్ రెడ్డి కూడా ఈ పాలమూరు జిల్లా ముద్దుబిడ్డేనని సీఎం రేవంత్ రెడ్డి ఈ సందర్భంగా కొనియాడారు.

Epaper: epaper.vaartha.com

హరీష్ రావు పై విజయ్ దేవరకొండ ప్రశంసలు