సాంకేతిక లోపం కారణంగా జరిగిన ఈ దుర్ఘటన అపార్ట్‌మెంట్ వాసులను, స్థానికులను తీవ్ర దిగ్భ్రాంతికి గురిచేసింది.

సాంకేతిక లోపమే కారణం: తెరుచుకున్న నాలుగో అంతస్తు తలుపులు

ఈ ప్రమాదం జరిగే సమయానికి లిఫ్ట్ కేబిన్ మొదటి అంతస్తులో నిలిచి ఉంది. అయితే, సాంకేతిక లోపం తలెత్తడంతో నాలుగో అంతస్తు వద్ద లిఫ్ట్ తలుపులు అకస్మాత్తుగా తెరుచుకున్నాయి. కేబిన్ అక్కడే ఉందని భ్రమపడిన విజయ్ బాబు సరిగా గమనించకుండా లోపలికి అడుగుపెట్టడంతో ఒక్కసారిగా లిఫ్ట్ గుంతలో (షాఫ్ట్) పడిపోయాడు.

Miyapur Lift Accident: ఆసుపత్రికి తరలించే లోపే విషాదం

లిఫ్ట్ గుంతలో పడిపోవడంతో విజయ్ బాబు తీవ్రంగా గాయపడ్డాడు. గమనించిన తోటి నివాసితులు వెంటనే అప్రమత్తమై ఆయనను చికిత్స నిమిత్తం సమీపంలోని ఆసుపత్రికి తరలించారు. అయితే, అప్పటికే ఆయన ప్రాణాలు కోల్పోయినట్లు పరీక్షించిన వైద్యులు ధ్రువీకరించారు.

కేసు నమోదు చేసి దర్యాప్తు చేపట్టిన పోలీసులు

ఈ ఘటనపై సమాచారం అందుకున్న మియాపూర్ పోలీసులు వెంటనే సంఘటన స్థలానికి చేరుకుని పరిశీలించారు. మృతుని కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు ప్రారంభించారు. లిఫ్ట్ నిర్వహణలో లోపాలున్నాయా లేదా అనే కోణంలోనూ, సాంకేతిక సమస్యలపై నిపుణుల సహాయంతో పోలీసులు విచారణ జరుపుతున్నారు.

శాసనసభలో కేసీఆర్ ఫ్యామిలీ పై సీఎం రేవంత్ సంచలన వ్యాఖ్యలు