PM Modi AI Morphed Videos: ప్రధాని నరేంద్ర మోదీకి సంబంధించిన ఏఐ (AI) మార్ఫింగ్ వీడియోల వ్యవహారం తీవ్ర సంచలనం సృష్టిస్తోంది. ఈ కేసులో హైదరాబాద్ సైబర్ క్రైమ్ పోలీసులు సంచలన నిర్ణయం తీసుకుంటూ, మెటా ఇండియా (Meta India) హెడ్ అరుణ్ శ్రీనివాస్తో పాటు పలువురు సోషల్ మీడియా వినియోగదారులపై కేసు నమోదు చేశారు.
ఫేస్బుక్ (Facebook), ఇన్స్టాగ్రామ్ (Instagram) ప్లాట్ఫామ్లలో ప్రజలను తప్పుదోవ పట్టించేలా ప్రధాని ఏఐ మార్ఫింగ్ వీడియోలు తీవ్రంగా వైరల్ కావడంతో ఈ చర్యలు చేపట్టినట్లు పోలీసులు వెల్లడించారు.
సైబర్ క్రైమ్ పోలీసుల దర్యాప్తు ఆంశాలు
- చట్టపరమైన చర్యలు: భారతీయ న్యాయ సంహిత (BNS), సమాచార సాంకేతిక చట్టం (IT Act) కింద ఉల్లంఘనలపై నిశితంగా పరిశీలిస్తున్నారు.
- డిజిటల్ ఆధారాల సేకరణ: ఈ నకిలీ ఏఐ వీడియోలు ఎక్కడ తయారయ్యాయి? ఎవరు నెట్లోకి అప్లోడ్ చేశారు? ఏ ఏ ఖాతాల ద్వారా షేర్ అయ్యాయి? అనే వివరాలపై పోలీసులు ప్రాథమిక డిజిటల్ ఆధారాలు సేకరిస్తున్నారు.
- మెటా భద్రతా వ్యవస్థపై ప్రశ్నలు: నకిలీ ప్రకటనలు, డీప్ఫేక్ కంటెంట్ను నిరోధించడంలో మెటా సెక్యూరిటీ సిస్టమ్లు ఎందుకు విఫలమయ్యాయనే కోణంలో విచారణ జరుపుతున్నారు. ఇటీవల కంపెనీ ప్రతినిధులు హాజరై తమ మోడరేషన్ విధానాలను వివరించినట్లు తెలుస్తోంది.
PM Modi AI Morphed Videos: మోదీపై అనుచిత వ్యాఖ్యలు - రుచికా సింగ్పై ‘జీరో ఎఫ్ఐఆర్’
మరో ఘటనలో, ఢిల్లీలోని జంతర్మంతర్ వేదికగా జరిగిన నిరసన ప్రదర్శనలో ప్రధాని నరేంద్ర మోదీపై తీవ్ర స్థాయిలో అనుచిత వ్యాఖ్యలు చేశారన్న ఆరోపణలతో కేసు నమోదైంది. శాంతిభద్రతలకు విఘాతం కలిగించేలా, విద్వేషాలను రెచ్చగొట్టేలా మాట్లాడారనే ఫిర్యాదు ఆధారంగా నోయిడాకు చెందిన రుచికా సింగ్పై బీఎన్ఎస్ (BNS) సెక్షన్ల ప్రకారం జీరో ఎఫ్ఐఆర్ (Zero FIR) నమోదు చేశారు.