తమిళ స్టార్ ధనుష్‌ను ఆమె వివాహం చేసుకోబోతున్నట్లు వచ్చిన వార్తలను మృణాల్ ఇప్పటికే ఖండించినప్పటికీ, ఆ పుకార్లు ఇంకా ఆగలేదు.

ఈ నేపథ్యంలో తాజాగా ఇచ్చిన ఇంటర్వ్యూలో మృణాల్ పెళ్లిపై తన అభిప్రాయాన్ని వెల్లడించింది. పెళ్లి అనేది జీవితంలో ఒక అందమైన మలుపు అని, తాను తప్పకుండా పెళ్లి చేసుకుంటానని తెలిపింది. అయితే సరైన వ్యక్తి, సరైన సమయం వచ్చినప్పుడే ఆ నిర్ణయం తీసుకుంటానని స్పష్టం చేసింది. వయసు లేదా ఇతరుల ఒత్తిడి కారణంగా తొందరపడి నిర్ణయం తీసుకోనని చెప్పింది.

మనసుకు నచ్చిన వ్యక్తి జీవితంలోకి వస్తే ఆ విషయాన్ని తానే ప్రకటిస్తానని మృణాల్ తెలిపింది. జీవితాంతం కలిసి ఉండాలంటే మనసులు కలవడం చాలా ముఖ్యం అని ఆమె అభిప్రాయపడింది. బలవంతపు బంధాల కంటే మనసుకు నచ్చిన వ్యక్తిని ఎదురుచూడటం మంచిదని చెప్పింది.

సినిమాల విషయానికి వస్తే, మృణాల్ త్వరలో 'దో దినావే సెహర్ మే' సినిమాతో ప్రేక్షకుల ముందుకు రానుంది. టాలీవుడ్‌లో అడివి శేష్‌తో కలిసి నటించిన 'డెకాయిట్' చిత్రం విడుదలకు సిద్ధంగా ఉంది. అదనంగా మరికొన్ని ఆసక్తికర ప్రాజెక్టుల్లో కూడా ఆమె నటిస్తోంది.

Read hindi news: hindi.vaartha.com

Air India DGCA penalty: ఎయిర్ ఇండియాకు భారీ షాక్..రూ.కోటి జరిమానా