కోట్లాది సంగీత ప్రియులకు నాలుగు దశాబ్దాలుగా వినోదాన్ని అందించిన MTV మ్యూజిక్ ఛానెల్స్ శాశ్వతంగా మూతబడింది. పారామౌంట్ గ్లోబల్ ఆధ్వర్యంలో కొనసాగుతున్న MTV, తమ అనుబంధంగా నడిచిన 24 గంటల మ్యూజిక్ ఛానెల్స్ను పూర్తిగా నిలిపివేస్తున్నట్లు ప్రకటించడంతో మ్యూజిక్ టెలివిజన్ ప్రపంచంలో ఒక కీలక అధ్యాయం ముగిసినట్టైంది.1981 ఆగస్టు 1న MTV ప్రారంభమైనప్పుడు ప్రసారమైన తొలి మ్యూజిక్ వీడియోనే చివరిసారిగా ఆన్ ఎయిర్ చేసింది.
Read also:Akshaye Khanna: టాలీవుడ్ లో అక్షయ్ ఖన్నా ఎంట్రీ
ప్రముఖ ఛానెల్స్ పూర్తిగా ఆఫ్ ఎయిర్
బగుల్స్ బృందం పాడిన 'వీడియో కిల్డ్ ది రేడియో స్టార్' పాటతోనే MTV తన ప్రయాణానికి ముగింపు పలకడం అభిమానులను భావోద్వేగానికి గురి చేసింది. న్యూ ఇయర్ ఈవ్ రోజున ఈ వీడియో ప్రసారం కావడంతో, సోషల్ మీడియాలో 'MTV మెమరీస్' పేరుతో అనేక పోస్టులు వెల్లువెత్తాయి. ఈ నిర్ణయానికి అనుగుణంగా యుకేలోని MTV Music, MTV 80s, MTV 90s, Club MTV, MTV Live వంటి ప్రముఖ ఛానెల్స్ పూర్తిగా ఆఫ్ ఎయిర్ అయ్యాయి.
అమెరికాలో MTV భవిష్యత్తుపై మాత్రం ఇంకా స్పష్టత లేదు. ఈ విషయంపై MTV గానీ, దాని మాతృ సంస్థ పారామౌంట్-స్కైడాన్స్ గానీ అధికారిక ప్రకటన చేయలేదు. అయితే, వ్యయ నియంత్రణ చర్యల్లో భాగంగా ఈ నిర్ణయం తీసుకున్నట్టు పరిశ్రమ వర్గాలు చెబుతున్నాయి.1981లో అమెరికాలో ప్రారంభమైన MTV, ఆ తర్వాత 1987లో యూకే, ఐర్లాండ్లలోకి అడుగుపెట్టింది. మొదట పూర్తిగా సంగీత వీడియోలకే పరిమితమైన ఈ ఛానెల్, కాలక్రమేణా రియాలిటీ షోలు, యూత్ కార్యక్రమాల వైపు మళ్లింది.
దీంతో అసలు సంగీత స్వరూపం కొంతమేర తగ్గింది. పారామౌంట్ సీఈఓ డేవిడ్ ఎలిసన్ మాట్లాడుతూ.. భవిష్యత్తులో MTVతో పాటు ఇతర కేబుల్ ఛానెల్స్ను కొత్త రూపంలో పునరుజ్జీవింపజేయాలనే ఆలోచనలో ఉన్నట్టు తెలిపారు. అయితే, దానికి సంబంధించిన వివరాలు ఇంకా వెల్లడించలేదు.
ఇదే సమయంలో MTV యూరప్ మ్యూజిక్ అవార్డ్స్, MTV లాటిన్ అమెరికా MIAW అవార్డ్స్ వంటి ప్రముఖ అవార్డు కార్యక్రమాలను కూడా సంస్థ రద్దు చేసింది. అలాగే ఆస్ట్రేలియా, పోలాండ్, ఫ్రాన్స్, బ్రెజిల్ వంటి దేశాల్లోనూ సంగీతానికే అంకితమైన MTV ఛానెల్స్ మూతపడనున్నాయనే సమాచారం వెలువడుతోంది.
అభిమానులకు షాక్
ఒకప్పుడు యువత ఫ్యాషన్, సంగీత అభిరుచులు, పాప్ కల్చర్ను నిర్ణయించిన MTV మ్యూజిక్ ఛానెల్స్ ఇలా ముగియడంతో, ఒక తరం జ్ఞాపకాలకు వీడ్కోలు పలికినట్టైంది. అభిమానుల మనసుల్లో మాత్రం MTV ఎప్పటికీ మరిచిపోలేని సంగీత ప్రయాణంగా నిలిచిపోతుంది.
అదేవిధంగా, ఆస్ట్రేలియా, పోలాండ్, ఫ్రాన్స్, బ్రెజిల్ వంటి ఇతర దేశాల్లోనూ సంగీతానికి ప్రత్యేకంగా అందుబాటులో ఉన్న MTV ఛానెల్స్ను మూసివేయనున్నట్లు సమాచారం.
ఈ విధంగా, ఒక తరం సంగీతాభిమానుల గుండెల్లో చెరగని ముద్ర వేసిన MTV మ్యూజిక్ ఛానెల్స్ శాశ్వతంగా తెరపడి, అభిమానులకు షాక్గా నిలిచాయి.
Read hindi news:hindi.vaartha.com
Epaper: epaper.vaartha.com
Read also:
Naveen Polishetty: పెళ్లిపై తనదైన స్టైల్లో సమాధానం చెప్పిన నవీన్