ఆదివారం (డిసెంబర్ 21) జరిగిన ఈ ఘటనపై సర్వత్రా విమర్శలు వెల్లువెత్తుతున్నాయి. బీజేపీ ఎమ్మెల్యే పరాగ్ షా స్థానికులతో కలిసి ట్రాఫిక్ సమస్యపై నిరసన చేపట్టిన సమయంలో, వాహనాల రాకపోకలు నిలిచిపోయాయి. ఆ సమయంలో ఒక ఆటో రాంగ్ రూట్‌లో వెళ్తున్నదని గమనించిన ఎమ్మెల్యే అతన్ని ఆపి ప్రశ్నించారు.

Read also: Rowdy Janardhana : 'రౌడీ జనార్ధన' టైటిల్ గ్లింప్స్ విడుదల

వాగ్వాదం నుంచి దాడి వరకూ - వీడియో వైరల్

రాంగ్ రూట్‌లో వెళ్తున్న ఆటో డ్రైవర్‌ను నిలదీయగా ఇద్దరి మధ్య వాగ్వాదం చోటుచేసుకుంది. ఆగ్రహానికి లోనైన ఎమ్మెల్యే పరాగ్ షా అందరి ముందే ఆటో డ్రైవర్ చెంపపై లాగిపెట్టి కొట్టినట్లు వీడియోలో కనిపిస్తోంది. చుట్టూ ఉన్న ప్రజలు పెద్ద సంఖ్యలో గుమికూడటంతో ఈ ఘటన అక్కడికక్కడే చర్చకు దారి తీసింది. అక్కడే ఉన్న కొందరు వీడియో తీసి సోషల్ మీడియాలో పోస్ట్ చేయడంతో అది క్షణాల్లో వైరల్ అయ్యింది. ప్రజాస్వామ్య వ్యవస్థలో ప్రజాప్రతినిధి ఈ విధంగా ప్రవర్తించడం తగదని నెటిజన్లు తీవ్రంగా విమర్శించారు.

ఎమ్మెల్యే వివరణ, అంగీకారం - అయినా విమర్శలే

Mumbai News: ఈ ఘటనపై ఎమ్మెల్యే పరాగ్ షా స్పందిస్తూ, తాను చేసిన పని తప్పేనని అంగీకరించారు. ఆటో డ్రైవర్ నిర్లక్ష్యంగా, అత్యంత వేగంగా రాంగ్ రూట్‌లో వాహనం నడిపాడని తెలిపారు. పదే పదే హెచ్చరికలు ఇచ్చినా వినకపోవడంతో కోపం వచ్చి చేయి చేసుకున్నానని చెప్పారు. ఆటోలో ఉన్న మహిళా ప్రయాణీకురాలు కూడా డ్రైవర్ ర్యాష్ డ్రైవింగ్‌పై ఫిర్యాదు చేసిందని ఆయన పేర్కొన్నారు. డ్రైవర్ వేగం ఎక్స్‌ప్రెస్‌వేపై రేసింగ్ కార్‌లా ఉందని వ్యాఖ్యానించారు. అయితే, ఏ పరిస్థితిలోనూ దాడి చేయకుండా ఉండాల్సిందని అంగీకరిస్తూ, చివరికి డ్రైవర్‌కు చలాన్ విధించి హెచ్చరికతో వదిలిపెట్టినట్లు వెల్లడించారు. అయినప్పటికీ, చట్టాన్ని చేతుల్లోకి తీసుకోవడం సరైంది కాదని రాజకీయ వర్గాలు, పౌర సమాజం తీవ్రంగా స్పందిస్తున్నాయి.