నల్లమల అటవీ ప్రాంతంలో లభ్యమైన అలనాటి ప్రాచీన శాసనాల్లో అమరావతికి సంబంధించిన స్పష్టమైన ఆనవాళ్లు దొరికాయని ఆయన వెల్లడించారు. ఈ చారిత్రక ఆధారాలు అమరావతి ప్రాంతంపై గత కొంతకాలంగా సాగుతున్న దుష్ప్రచారాలకు, అసత్యాలకు గట్టి సమాధానం ఇస్తాయని ఆయన అభిప్రాయపడ్డారు. శతాబ్దాల క్రితమే ఈ ప్రాంతం ఒక ప్రత్యేక గుర్తింపుతో, వైభవంతో విరాజిల్లిందనడానికి నల్లమల కొండల్లో లభించిన ఈ రాతి శాసనాలే ప్రత్యక్ష సాక్ష్యాలని, ఇవి అమరావతి యొక్క అస్థిత్వాన్ని మార్చలేరని నిరూపిస్తున్నాయని ఆయన సామాజిక మాధ్యమం ‘X’ (ట్విట్టర్) ద్వారా పేర్కొన్నారు.

ప్రపంచ శాంతికి నిలయం – బౌద్ధ క్షేత్రంగా అమరావతి వైభవం

తాజాగా వెలుగులోకి వచ్చిన ఆధారాల ప్రకారం.. నేటి రాజధాని అమరావతి ప్రాంతంలోనే నాటి బౌద్ధ సంస్కృతి ఆనవాళ్లు, చారిత్రక అమరావతి స్తూపం విలసిల్లినట్లు శాస్త్రీయ ఆధారాలు లభించాయని పవన్ కళ్యాణ్ వివరించారు. ఒకప్పుడు ఈ ప్రాంతం కేవలం ఒక సాధారణ భూభాగం కాదని, ప్రపంచ దేశాలకు శాంతి, కరుణ, అహింసల సందేశాన్ని అందించిన ఒక గొప్ప బౌద్ధ ఆధ్యాత్మిక క్షేత్రంగా వెలుగొందిందని ఆయన కొనియాడారు. ఇంతటి ఘనమైన సాంస్కృతిక వారసత్వం కలిగిన రాజధాని ప్రాంతాన్ని కాపాడుకోవాల్సిన బాధ్యత అందరిపైనా ఉందన్నారు. ఎంతో శ్రమకోర్చి, కాలగర్భంలో కలిసిపోయిన ఈ చారిత్రక సాక్ష్యాలను మరియు అమరావతి ప్రాచీన మూలాలను పరిశోధనల ద్వారా వెలుగులోకి తెచ్చిన పురావస్తు శాస్త్రవేత్తలను, పరిశోధక బృందాన్ని ఈ సందర్భంగా డిప్యూటీ సీఎం ప్రత్యేకంగా అభినందించారు.

గొప్ప మనసు చాటుకున్న హీరో నిఖిల్