పీపీపీ విధానంపై వైసీపీ దుష్ప్రచారం, అభివృద్ధిని అడ్డుకునే ప్రతిపక్షం పాత్ర

పేదలకు మెడికల్ సీట్లు, సూపర్ స్పెషాలిటీ సేవలు

ఆ వీడియోలో లోకేశ్ మాట్లాడుతూ, పీపీపీ విధానం అమలులోకి వస్తే పేద కుటుంబాల నుంచి వచ్చిన వైద్య విద్యార్థులకు మెడికల్ సీట్లు అందుబాటులోకి వస్తాయని చెప్పారు. అంతేకాదు, సూపర్ స్పెషాలిటీ వైద్య విద్య, కార్పొరేట్ స్థాయి వైద్య సేవలు కూడా సామాన్య ప్రజలకు చేరువవుతాయని స్పష్టం చేశారు. ప్రజల ప్రయోజనాల కోసం తీసుకుంటున్న ఈ విధానంపై వైసీపీ నేత జగన్ కావాలనే తప్పుడు ప్రచారం చేస్తున్నారని ఆయన ఆరోపించారు.

గత ప్రభుత్వ పాలనలో మెడికల్ కళాశాలల(Medical Colleges) నిర్మాణం పూర్తి కావడానికి 20 నుంచి 25 సంవత్సరాలు పట్టే పరిస్థితి ఉందని, అదే పీపీపీ(Public Private Partnership) విధానంలో అయితే రెండు నుంచి మూడు సంవత్సరాల్లోనే వైద్య కళాశాలలు అందుబాటులోకి వస్తాయని లోకేశ్ వివరించారు. దీని ద్వారా పేద విద్యార్థులకు మెడికల్ సీట్లు లభించడమే కాకుండా, పేదలకు సూపర్ స్పెషాలిటీ వైద్య సేవలు అందే మార్గం సుగమమవుతుందని పేర్కొన్నారు.

విద్రోహ శక్తుల కుట్రలు ఫలించవు, నవ్యాంధ్ర-స్వర్ణాంధ్ర ప్రయాణం ఆగదు

ప్రతిపక్షం పాత్ర ఎలా ఉండాలి అనే అంశంపై కూడా లోకేశ్(Nara Lokesh) తన వీడియోలో ప్రశ్నలు సంధించారు. అభివృద్ధికి సహకరించాల్సిన ప్రతిపక్షం అనవసర విమర్శలతో ప్రజలను గందరగోళానికి గురి చేస్తోందని ఆయన అన్నారు. విద్రోహ శక్తులు ఎన్ని అడ్డంకులు సృష్టించినా, నవ్యాంధ్ర స్వర్ణాంధ్ర లక్ష్యాల వైపు రాష్ట్రం ముందుకు సాగడాన్ని ఆపలేవని లోకేశ్ స్పష్టం చేశారు. ప్రస్తుతం ఈ వీడియో సోషల్ మీడియాలో విస్తృతంగా చర్చకు దారితీస్తోంది.

Read hindi news: hindi.vaartha.com

Epaper : epaper.vaartha.com

Kandula Durgesh: సినిమా టికెట్ రేట్ల పెంపుపై మంత్రి కీలక ప్రకటన