కీలక సూచీలు క్రమంగా దిగువకు జారడంతో మదుపరులు ఆచితూచి వ్యవహరించారు.

సెన్సెక్స్, నిఫ్టీ కీలక గణాంకాలు

ట్రేడింగ్ ముగిసే సమయానికి బాంబే స్టాక్ ఎక్స్ఛేంజ్ సూచీ సెన్సెక్స్ 307.24 పాయింట్లు నష్టపోయి 76,957.27 వద్ద స్థిరపడింది. అలాగే నేషనల్ స్టాక్ ఎక్స్ఛేంజ్ సూచీ నిఫ్టీ 95.25 పాయింట్లు క్షీణించి 24,080.40 వద్ద ముగిసింది. నిఫ్టీలో ఐటీసీ, భారతీ ఎయిర్‌టెల్, ఎటర్నల్ షేర్లు అత్యధికంగా నష్టపోయిన జాబితాలో నిలిచాయి.

Stock Market: రంగాలవారీగా మార్కెట్ కదలికలు

ప్రధానంగా ఐటీ, మెటల్, రియల్టీ, మీడియా రంగాల సూచీలు మార్కెట్‌పై తీవ్ర ఒత్తిడిని పెంచాయి. అయితే ఆటోమొబైల్ మరియు ప్రైవేట్ బ్యాంకింగ్ రంగాలు మాత్రం కొంతమేర మద్దతునిచ్చి మార్కెట్ మరింత పడిపోకుండా కాపాడాయి. మరోవైపు, నిఫ్టీ మిడ్‌క్యాప్ సూచీ 0.24 శాతం లాభపడగా, నిఫ్టీ స్మాల్‌క్యాప్ సూచీ మాత్రం 0.74 శాతం నష్టాలను చవిచూసింది.

మార్కెట్ నిపుణుల అంచనాలు మరియు మద్దతు స్థాయిలు

రాబోయే రోజుల్లో నిఫ్టీ 24,180 – 24,200 స్థాయిల వరకు స్వల్పంగా కోలుకునే అవకాశం ఉందని మార్కెట్ నిపుణులు అంచనా వేస్తున్నారు. అయితే ఆ స్థాయిల వద్ద మళ్లీ అమ్మకాల ఒత్తిడి తలెత్తవచ్చని హెచ్చరిస్తున్నారు. ఒకవేళ నిఫ్టీ 24,200 పైన స్థిరపడితే మరో 100 పాయింట్లు పెరిగే ఛాన్స్ ఉందని విశ్లేషకులు పేర్కొన్నారు. దిగువ స్థాయిలో 23,990 నిలకడైన మద్దతు స్థాయిగా ఉందని, అది కూడా కిందికి పడిపోతే మార్కెట్‌లో కరెక్షన్ (దిద్దుబాటు) మరింత లోతుగా ఉండే అవకాశం ఉందని తెలిపారు.

అంతర్జాతీయ ఉద్రిక్తతలు – ముడి చమురు ప్రభావం

అమెరికా – ఇరాన్ దేశాల మధ్య రోజురోజుకూ పెరుగుతున్న ఉద్రిక్తతలు గ్లోబల్ ఇన్వెస్టర్లలో ఆందోళన కలిగిస్తున్నాయి. దౌత్యపరమైన పరిష్కారాలు లభించకపోవడంతో ముడి చమురు ధరలతో పాటు ప్రపంచ బాండ్ ఈల్డ్స్ గణనీయంగా పెరిగాయి. దీనివల్ల ఇంధన ఆధారిత ద్రవ్యోల్బణం, వడ్డీ రేట్ల భయాలు మళ్లీ ముంచుకొచ్చే ప్రమాదం ఉందని, ఇది భవిష్యత్తులో కంపెనీల Stock Market: నష్టాల్లో ముగిసిన స్టాక్‌ మార్కెట్లుత్రైమాసిక ఆదాయాలపై ప్రభావం చూపవచ్చని నిపుణులు అభిప్రాయపడుతున్నారు.

FD పెట్టుబడిదారులకు అలర్ట్‌.. అక్టోబర్‌ 1 నుంచి కొత్త రూల్స్‌