Gold Rate Today: మధ్యప్రాచ్యంలో నెలకొన్న భౌగోళిక రాజకీయ ఉద్రిక్తతలు సద్దుమణిగే సంకేతాలు కనిపించడంతో అంతర్జాతీయ, దేశీయ మార్కెట్లలో బంగారం, వెండి ధరలు మరోసారి పుంజుకున్నాయి.

అమెరికా, ఇరాన్ దేశాల మధ్య త్వరలోనే ఒక చారిత్రాత్మక ఒప్పందం కుదిరే అవకాశం ఉందంటూ అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలు మార్కెట్ సెంటిమెంట్‌ను సానుకూలంగా మార్చేశాయని ఆర్థిక నిపుణులు విశ్లేషిస్తున్నారు. ఈ అంతర్జాతీయ పరిణామాల నేపథ్యంలో శనివారం పసిడి, వెండి ధరల్లో పెరుగుదల నమోదైంది.

Read also: SEBI's new AI regulations : సెబీ కొత్త AI నిబంధనలు..రాబోయే పెను మార్పులు

హైదరాబాద్, విజయవాడల్లో తాజా ధరలు ఇవే

శనివారం ఉదయం బులియన్ మార్కెట్ వివరాల ప్రకారం.. తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడల్లో 10 గ్రాముల 24 క్యారెట్ల (మేలిమి) బంగారం ధర సుమారు రూ. 1,48,590 గా నమోదు కాగా, 22 క్యారెట్ల ఆభరణాల బంగారం ధర రూ. 1,36,210 వద్ద కొనసాగుతోంది. ఇదే సమయంలో పసిడి బాటలోనే పయనిస్తూ కిలో వెండి ధర ఏకంగా రూ. 2,65,100 కి చేరింది.

Gold Rate Today: దేశంలోని ఇతర మెట్రో నగరాల్లో పసిడి ధరలు

• చెన్నై: 24 క్యారెట్ల బంగారం ధర రూ. 1,50,560
• ముంబై: 24 క్యారెట్ల బంగారం ధర రూ. 1,48,590
• ఢిల్లీ: 24 క్యారెట్ల బంగారం ధర రూ. 1,45,830

ట్రంప్ సంకేతాలు.. సురక్షిత పెట్టుబడిగా బంగారం

అమెరికా-ఇరాన్ దేశాల మధ్య ఉన్నత స్థాయి చర్చలు జరుగుతున్నట్లు డొనాల్డ్ ట్రంప్ హింట్ ఇవ్వడంతో ఇరు దేశాల మధ్య సయోధ్య కుదురుతుందనే అంచనాలు గ్లోబల్ మార్కెట్లో బలపడ్డాయి. ఈ ఒప్పందం గనుక కుదిరితే హార్ముజ్ జలసంధిలో వాణిజ్య నౌకల రాకపోకలు మళ్లీ యథావిధిగా సాగుతాయి. దీనివల్ల అంతర్జాతీయంగా చమురు (క్రూడాయిల్) ధరలు దిగివచ్చి, ద్రవ్యోల్బణ ఒత్తిళ్లు తగ్గుతాయని విశ్లేషకులు భావిస్తున్నారు. ఈ భౌగోళిక రాజకీయ మార్పుల వల్ల మదుపర్లు (ఇన్వెస్టర్లు) సురక్షిత పెట్టుబడిగా భావించే బంగారం వైపు మొగ్గు చూపుతుండటంతో ధరలు పెరుగుతున్నాయి.