నేడు శ్రీ సీతారాముల కళ్యాణలో పాల్గొననున్న సీఎం రేవంత్ దంపతులు

Revanth Reddy: శ్రీరామనవమి పర్వదినాన్ని పురస్కరించుకుని తెలంగాణ ముఖ్యమంత్రి ఎనుముల రేవంత్ రెడ్డి నేడు భద్రాచలంలో పర్యటించనున్నారు. ఈ పర్యటనలో ఆయన భద్రాద్రి శ్రీ సీతారామచంద్రస్వామిని దర్శించుకోనున్నారు.

రాష్ట్ర ప్రభుత్వం ఆలయ అభివృద్ధిపై ప్రత్యేక దృష్టి సారించిన నేపథ్యంలో, ఈ పర్యటన ప్రాధాన్యత సంతరించుకుంది.

Sri Ramanavami celebrations in Bhadrachalam today.

Revanth Reddy: రూ. 351 కోట్లతో ఆలయ విస్తరణ పనులు

భద్రాచలం ఆలయ పునర్నిర్మాణం మరియు విస్తరణలో భాగంగా, ముఖ్యమంత్రి రేవంత్ రెడ్డి తొలిదశ పనులకు శ్రీకారం చుట్టనున్నారు. సుమారు రూ. 351 కోట్ల అంచనా వ్యయంతో చేపట్టనున్న ఈ విస్తరణ పనులకు ఆయన భూమి పూజ మరియు శంకుస్థాపన చేస్తారు. భక్తులకు మెరుగైన వసతులు కల్పించడం మరియు ఆలయ ప్రాంగణాన్ని సుందరీకరించడమే లక్ష్యంగా ఈ ప్రాజెక్టును ప్రభుత్వం ప్రతిష్టాత్మకంగా తీసుకుంది.

తిరుకళ్యాణ మహోత్సవం – తలంబ్రాల సమర్పణ

ఆలయ విస్తరణ పనుల అనంతరం, ముఖ్యమంత్రి దంపతులు మిథిలా స్టేడియంలో జరిగే శ్రీ సీతారాముల తిరుకళ్యాణ మహోత్సవంలో పాల్గొంటారు. ఉదయం 11:30 నుంచి 12:30 గంటల వరకు జరిగే ఈ వేడుకలో, రాష్ట్ర ప్రభుత్వం తరఫున స్వామివారికి పట్టు వస్త్రాలు, ముత్యాల తలంబ్రాలను సీఎం రేవంత్ రెడ్డి సమర్పిస్తారు. ఈ అపురూప ఘట్టాన్ని వీక్షించేందుకు భక్తులు భారీగా తరలివచ్చే అవకాశం ఉండటంతో అధికారులు అన్ని ఏర్పాట్లు పూర్తి చేశారు.