ఈ ప్రకృతి విపత్తులో కనీసం ఎనిమిది మంది ప్రాణాలు కోల్పోగా, వందలాది మంది గల్లంతైనట్లు అధికారులు ప్రాథమికంగా ధ్రువీకరించారు. వరద తీవ్రతకు గ్రామాలు, రహదారులు, ప్రాజెక్టు సైట్‌లు, వంతెనలు, జలవిద్యుత్ కేంద్రాలు తీవ్రంగా దెబ్బతిన్నాయి.

Read Also : Nepal Flash Floods: వరద బీభత్సం.. 105 మంది భారతీయులు గల్లంతు!

Floods inundate Nepal; 8 dead, hundreds missing.

Nepal Flash Floods: భోటే కోశి నది ఉగ్రరూపం.. మునిగిన గ్రామాలు

ఉదయం 9 గంటల సమయంలో భోటే కోశి నదిలో నీటిమట్టం ఒక్కసారిగా పెరిగింది. దాంతో చైనా-నేపాల్ సరిహద్దులోని టిమూరే, స్యాప్రూ బేసి ప్రాంతాలు పూర్తిగా జలమయమయ్యాయి. పలు గ్రామాలు, నిర్మాణంలో ఉన్న ప్రాజెక్ట్ నిర్మాణాలు కొట్టుకుపోయాయని జిల్లా అధికారి నరేంద్ర పరియార్ తెలిపారు. ప్రాణ, ఆస్తి నష్టం భారీగా ఉండే అవకాశం ఉందని ఆయన ఆందోళన వ్యక్తం చేశారు. నదీ తీర ప్రాంత ప్రజలంతా వెంటనే ఎత్తైన, సురక్షిత ప్రాంతాలకు తరలివెళ్లాలని అధికారులు ఆదేశించారు. వరద ప్రవాహంలో కొట్టుకుపోయిన 8 మృతదేహాలను నువాకోట్, ధాదింగ్ జిల్లాల పరిధిలో పోలీసులు స్వాధీనం చేసుకున్నారు.

105 మంది భారతీయులతో సహా ప్రయాణికులు గల్లంతు

సరిహద్దు ప్రాంతంలో గస్తీ కాస్తున్న నేపాల్ పోలీసులతో పాటు విదేశీ పర్యాటకులు, ప్రయాణికులు పెద్ద సంఖ్యలో గల్లంతయ్యారు.

• గల్లంతైన వారిలో 105 మంది భారతీయ పౌరులు ఉన్నట్లు ప్రాథమిక సమాచారం అందుతోంది.
• సరిహద్దులోని రసువాగధి వద్ద చైనా-నేపాల్‌లను కలిపే చారిత్రాత్మక ‘ఫ్రెండ్‌షిప్ బ్రిడ్జ్’ (Friendship Bridge) కూడా ఈ వరద ధాటికి ధ్వంసమైంది.

ప్రధాని అత్యవసర సమావేశం

ఈ విపత్తుపై నేపాల్ ప్రధాని బాలేంద్ర షా జాతీయ విపత్తు నిర్వహణ అథారిటీతో అత్యవసర సమావేశం నిర్వహించారు. సైన్యం, పోలీసులు, సహాయక బృందాలను తక్షణమే రంగంలోకి దించారు. నేపాలీ సైన్యం హెలికాప్టర్ల ద్వారా రెస్క్యూ ఆపరేషన్ ప్రారంభించినప్పటికీ, వరద ఉద్ధృతి తీవ్రంగా ఉండటంతో దెబ్బతిన్న ప్రాంతాల్లో హెలికాప్టర్లను ల్యాండ్ చేయడం సాధ్యపడలేదు. రసువా, నువాకోట్, ధాదింగ్, గూర్ఖా, చిత్వాన్ జిల్లాల నదీ తీర ప్రజలకు హై అలర్ట్ ప్రకటించారు.

వరద తీవ్రత వల్ల పలు జలవిద్యుత్ కేంద్రాలు దెబ్బతిన్నాయి. దీనివల్ల నేపాల్ దేశ మొత్తం 3.2 గిగావాట్ల జలవిద్యుత్ సామర్థ్యంలో 12 శాతం (సుమారు 430 మెగావాట్లు) విద్యుత్ ఉత్పత్తి నిలిచిపోయింది.

మరోవైపు, టిబెట్ ప్రాంతంలోని గైరాంగ్ ల్యాండ్ క్రాసింగ్ వద్ద కొండచరియలు విరిగిపడి భారీగా ప్రాణనష్టం జరిగినట్లు చైనా వార్తా సంస్థ జిన్హువా పేర్కొంది. టిబెట్‌లోని హిమనీనద సరస్సు (Glacial Lake) కరగడం వల్లే ఈ ఆకస్మిక వరదలు సంభవించి ఉంటాయని నిపుణులు అంచనా వేస్తున్నారు. వరదలకు గల కచ్చితమైన కారణాలపై దర్యాప్తు కొనసాగుతోంది.

అమూర్‌ గ్యాస్ కెమికల్ కాంప్లెక్స్‌లో భారీ అగ్నిప్రమాదం.. ఏడుగురు మృతి!