New Zealand Student Visa: ఇమ్మిగ్రేషన్ న్యూజిలాండ్ (INZ) ప్రవేశపెట్టిన ఈ కొత్త విధానం వల్ల అంతర్జాతీయ విద్యార్థులకు, ముఖ్యంగా భారతీయ విద్యార్థులకు ఎంతో మేలు జరుగుతుంది.
- ఒకే వీసాతో 3 కోర్సులు: విద్యార్థులు ఐదేళ్ల కాలపరిమితిలో ఒకే అప్లికేషన్తో గరిష్టంగా మూడు కోర్సుల వరకు చదువుకోవచ్చు. ఫౌండేషన్ ప్రోగ్రామ్లు, డిప్లొమాలు, అండర్ గ్రాడ్యుయేట్ డిగ్రీలను వరుసగా పూర్తి చేయవచ్చు.
- తగ్గనున్న ఖర్చులు మరియు పేపర్ వర్క్: గతంలో ప్రతి చిన్న కోర్సు లేదా సర్టిఫికేట్ కోర్సు కోసం విడివిడిగా వీసాలు తీసుకోవాల్సి వచ్చేది. ఇప్పుడు ఆ అవసరం లేకపోవడం వల్ల వీసా దరఖాస్తు ఖర్చులు తగ్గడమే కాకుండా, పదే పదే డాక్యుమెంట్లు సమర్పించే ఇబ్బంది తప్పుతుంది.
- ఒకేషనల్ కోర్సులకు అవకాశం: తాజా మార్పుల ప్రకారం, న్యూజిలాండ్ క్వాలిఫికేషన్స్ అండ్ క్రెడెన్షియల్స్ ఫ్రేమ్వర్క్ (NZQCF) లెవల్ 1 నుంచి 4 వరకు ఉన్న ఒకేషనల్ కోర్సులకు కూడా ఈ పాత్వే వీసా వర్తిస్తుంది.
New Zealand Student Visa
New Zealand Student Visa : అర్హతలు మరియు అవసరమైన పత్రాలు
ఈ కొత్త వీసాకు దరఖాస్తు చేసుకునే విద్యార్థులు ఈ క్రింది నిబంధనలను పాటించాలి. NZQCF లెవల్ 1 నుంచి లెవల్ 10 వరకు ఉన్న కోర్సులకు ఈ వీసా వర్తిస్తుంది. విద్యార్థులు తాము చదవాలనుకునే ప్రతి కోర్సుకి సంబంధించిన అధికారిక ‘ఆఫర్ ఆఫ్ ప్లేస్’ మరియు ‘కన్ఫర్మేషన్ ఆఫ్ ఎన్రోల్మెంట్’ (COE) పత్రాలను తప్పనిసరిగా సమర్పించాలి. అభ్యర్థులు చెల్లుబాటు అయ్యే IELTS లేదా PTE స్కోర్ కార్డులను కలిగి ఉండాలి.వీసా ప్రాసెసింగ్లో ఎలాంటి జాప్యం జరగకుండా ఉండటానికి లేటెస్ట్ మెడికల్ రిపోర్ట్స్ మరియు పోలీస్ క్లియరెన్స్ సర్టిఫికేట్ (PCC) సమర్పించడం తప్పనిసరి. ఈ కొత్త పాలసీలో ఆర్థిక స్థోమతకు సంబంధించిన నిబంధనలను సరళతరం చేశారు. విద్యార్థులు తమ మొదటి ఏడాది కోర్సు ఫీజుతో పాటు అక్కడ ఉండటానికి అయ్యే ఖర్చులకు సంబంధించిన ఆర్థిక ఆధారాలు (Financial Proofs) చూపిస్తే సరిపోతుంది. ఆ తర్వాత చేయబోయే కోర్సుల కోసం భవిష్యత్తులో నిధులు అందుబాటులో ఉంటాయని నిరూపిస్తే చాలు. దీనివల్ల విద్యార్థుల కుటుంబాలు తమ ఆర్థిక వనరులను సులభంగా ప్లాన్ చేసుకోవచ్చు. ఈ కొత్త నిబంధనలు జూలై 20 నుంచి అమల్లోకి రానున్నాయి. అంతకంటే ముందు దరఖాస్తు చేసుకున్న వారికి పాత నిబంధనలే వర్తిస్తాయి. ఒకవేళ జూలై 20 తర్వాత ఎవరైనా కాలేజీని లేదా కోర్సును మార్చుకోవాలనుకుంటే, వారి కొత్త ప్లాన్ అప్డేట్ చేసిన నిబంధనలకు అనుగుణంగా ఉందో లేదో చూసుకోవాలి.
మోదీ పర్యటనకు ఘన ముగింపు.. యుద్ధ విమానాలతో ఇండోనేషియా వీడ్కోలు