Iran: అమెరికా తమ దేశంపై ఆర్థిక యుద్ధం ప్రకటిస్తోందని ఇరాన్ తీవ్రస్థాయిలో ఆరోపించింది. ఇరాన్కు చెందిన వాణిజ్య భాగస్వాములను లక్ష్యంగా చేసుకుని వాషింగ్టన్ కొత్త ఆర్థిక ఆంక్షలను ప్రకటించడానికి సిద్ధమవుతున్న నేపథ్యంలో ఈ ఉద్రిక్తత నెలకొంది.
ఈ చర్యలను కొనసాగిస్తే అంతర్జాతీయంగా తీవ్ర పరిణామాలు ఎదుర్కోవాల్సి వస్తుందని ఇరాన్ హెచ్చరించింది.
చమురు ఎగుమతుల నిలిపివేత హెచ్చరిక
అమెరికా తన వైఖరిని మార్చుకోకపోతే కఠిన నిర్ణయాలు తీసుకుంటామని ఇరాన్ స్పష్టం చేసింది. హర్మూజ్ జలసంధి, పర్షియన్ గల్ఫ్లోని ఇతర కీలక ప్రాంతాల ద్వారా జరిగే అన్ని చమురు ఎగుమతులను పూర్తిగా నిలిపివేస్తామని ఇరాన్ సుప్రీం నేషనల్ సెక్యూరిటీ కౌన్సిల్ సెక్రటరీ మొహ్సెన్ రెజాయీ హెచ్చరిక జారీ చేశారు.
Iran: అంతర్జాతీయ మార్కెట్లలో ఆందోళన
ఇరాన్ హెచ్చరికల నేపథ్యంలో అంతర్జాతీయంగా చమురు మార్కెట్లలో తీవ్ర ఆందోళన వ్యక్తమవుతోంది. మధ్యప్రాచ్యంలో నెలకొన్న ఈ పరిణామాలు ప్రపంచ వ్యాప్తంగా ఇంధన ధరలపై మరియు వాణిజ్య రంగంపై తీవ్ర ప్రభావం చూపే అవకాశం ఉందని ఆర్థిక విశ్లేషకులు భావిస్తున్నారు.