Trump warns Iran: అమెరికా అధ్యక్షుడు డొనాల్డ్ ట్రంప్ ఇరాన్‌కు మరోసారి తీవ్ర హెచ్చరికలు జారీ చేశారు. రెండు దేశాల మధ్య దాడులు తాత్కాలికంగా నిలిచినప్పటికీ, ప్రతిష్టంభన మాత్రం అలాగే కొనసాగుతోంది.

వైట్ హౌస్‌లో విలేకరులతో మాట్లాడిన ట్రంప్.. ఇరాన్‌కు అణ్వాయుధాలు దక్కకుండా చేయడమే తమ ప్రధాన లక్ష్యమని స్పష్టం చేశారు. ఇందుకోసం ఇరాన్‌కు పరిమిత సమయం మాత్రమే ఇస్తున్నామని, ఈ లోగా ఒప్పందం కుదరకపోతే రాబోయే 2-3 రోజుల్లో లేదా వచ్చే వారం ఆరంభంలో భారీ స్థాయిలో దాడులు చేయడానికి సైన్యాన్ని సిద్ధం కావాలని ఆదేశించినట్లు తెలిపారు. నిజానికి మంగళవారమే పెద్ద ఎత్తున దాడులు చేయాలని భావించినప్పటికీ.. అరబ్ దేశాల నేతల విజ్ఞప్తి మేరకు, అలాగే ప్రస్తుతం చర్చలు జరుగుతుండటం వల్ల ఆ నిర్ణయాన్ని తాత్కాలికంగా పక్కన పెట్టారు.

Read Also: Submarine Cables: టెక్ దిగ్గజాలకు ఇరాన్ షాక్: సముద్రగర్భ కేబుళ్లపై కన్నేసిన ఆర్మీ

Trump warns Iran

ఆధునిక సాధనాలతో ఎదురుదాడి చేస్తాం

ప్రపంచాన్ని వినాశనం నుండి కాపాడటానికే తాను ఈ చర్యలు తీసుకుంటున్నానని, దీనికి ప్రజల మద్దతు ఉందని ట్రంప్ సమర్థించుకున్నారు. మరోవైపు ఇరాన్‌కూడా అమెరికా హెచ్చరికలపై గట్టిగానే స్పందించింది. ఇరాన్ అనుమతి లేనిదే ఆ జలమార్గాన్ని తెరవడం ప్రపంచంలో ఏ శక్తికీ సాధ్యం కాదని ఆయన స్పష్టం చేశారు. అమెరికా, ఇజ్రాయెల్ దేశాలు గనుక మళ్లీ దాడులకు తెగబడితే.. తాము సరికొత్త వ్యూహాలతో, ఆధునిక సాధనాలతో ఎదురుదాడి చేస్తామని ఇరాన్ సైన్యాధికారి బ్రిగేడియర్ జనరల్ మహమ్మద్ అక్రమీనియా హెచ్చరించారు. టెహ్రాన్‌ (Tehran)లోని వాలియాస్ స్క్వేర్‌లో జరిగిన బహిరంగ సభలో ఆయన మాట్లాడుతూ, తమ సైన్యం ట్రిగ్గర్‌పై వేలు పెట్టి సిద్ధంగా ఉందని, తమ్ము ఓడించడం ఎవరికీ సాధ్యం కాదని వ్యాఖ్యానించారు.