ఐపీఎల్ సీజన్‌లో పంజాబ్ కింగ్స్ (PBKS) ప్రయాణం 'ఓడలు బండ్లు అవుతాయి, బండ్లు ఓడలు అవుతాయి' అనే సామెతను నిజం చేస్తోంది. టోర్నీ ఆరంభంలో తిరుగులేని విజయాలతో దూసుకుపోయిన ఈ జట్టు, కీలక దశలో వరుస ఓటములతో ప్లేఆఫ్స్ అవకాశాలను సంక్లిష్టం చేసుకుంది.

ఆర్‌సీబీ (RCB) చేతిలో ఘోర పరాజయం తర్వాత, ఆ జట్టు హెడ్ కోచ్ రికీ పాంటింగ్ డగౌట్‌లో ఒంటరిగా, తీవ్ర నిరాశతో కూర్చున్న దృశ్యం ఇప్పుడు సోషల్ మీడియాలో వైరల్‌గా మారింది.

Read Also : టాస్ గెలిచిన పంజాబ్ కింగ్స్

అద్భుత ఆరంభం.. ఒక్కసారిగా పతనం!

ఈ సీజన్ మొదటి సగంలో పంజాబ్ కింగ్స్ ప్రదర్శన అద్భుతమనే చెప్పాలి. ఆడిన మొదటి 7 మ్యాచ్‌ల్లో ఒక్కటంటే ఒక్కటి కూడా ఓడిపోకుండా, ఏకంగా 13 పాయింట్లతో పట్టికలో అగ్రస్థానంలో నిలిచింది. శ్రేయస్ అయ్యర్ సారథ్యంలోని ఈ సేన ఖచ్చితంగా ప్లేఆఫ్స్ చేరుతుందని, బహుశా కప్ కొట్టినా ఆశ్చర్యపోనక్కర్లేదని విశ్లేషకులు భావించారు. బ్యాటింగ్, బౌలింగ్ విభాగాల్లో సమతూకంతో కనిపించిన జట్టు, ఆ తర్వాత ఊహించని విధంగా లయ తప్పింది. వరుసగా 6 మ్యాచ్‌ల్లో ఓటమి పాలుకావడంతో అభిమానులకు ఏం జరుగుతుందో అర్థం కాని పరిస్థితి ఏర్పడింది. గెలిచే మ్యాచ్‌లను సైతం చేతులారా చేజార్చుకుంటూ పాయింట్ల పట్టికలో వెనుకబడిపోయింది.

ఆర్‌సీబీ దెబ్బ.. పాంటింగ్ కన్నీటి పర్యంతం!

ఇటీవల రాయల్ ఛాలెంజర్స్ బెంగళూరు (RCB)తో జరిగిన మ్యాచ్ పంజాబ్ కింగ్స్ ఆత్మవిశ్వాసాన్ని తీవ్రంగా దెబ్బతీసింది. తప్పక గెలవాల్సిన ఈ మ్యాచ్‌లో చేతులెత్తేయడంతో ప్లేఆఫ్స్ సమీకరణాలు అత్యంత క్లిష్టంగా మారాయి. ఈ ఘోర పరాజయం అనంతరం హెడ్ కోచ్, ఆస్ట్రేలియా దిగ్గజం రికీ పాంటింగ్ డగౌట్‌లో ఒంటరిగా తలపట్టుకుని కూర్చుండిపోయారు. ఎప్పుడూ దూకుడుగా, వ్యూహాత్మకంగా వ్యవహరించే పాంటింగ్ ముఖంలో ఆ సమయంలో కనిపించిన నిరాశ, కన్నీటి ఛాయలు జట్టు అంతర్గత పరిస్థితికి అద్దం పడుతున్నాయి. ఎంతో ప్రతిష్టాత్మకంగా భావించి జట్టును తీర్చిదిద్దిన ఆయనకు, ఆటగాళ్ల పేలవ ప్రదర్శన తీవ్ర మనస్తాపాన్ని మిగిల్చింది.

ప్లేఆఫ్స్ ఆశలు సజీవమేనా?