ఆయనపై వచ్చిన తీవ్రస్థాయి అవినీతి మరియు అధికార దుర్వినియోగ ఆరోపణలపై విజిలెన్స్ మరియు విచారణ కమిటీలు సమర్పించిన నివేదికలను పరిశీలించిన ఏయూ పాలకమండలి అత్యవసరంగా సమావేశమై ఈ సంచలన నిర్ణయం తీసుకుంది.

విజిలెన్స్ విచారణలో నిధుల దుర్వినియోగం, ఏసీబీ విచారణకు సిఫార్సు

గత ప్రభుత్వ హయాంలో ఏయూ వీసీగా బాధ్యతలు నిర్వర్తించిన ప్రసాదరెడ్డిపై మొదటి నుంచి పలు అవినీతి ఆరోపణలు ఉన్నాయి. విశ్వవిద్యాలయ నిధుల దుర్వినియోగం, నిబంధనలకు విరుద్ధమైన నిర్ణయాలపై విజిలెన్స్ అండ్ ఎన్‌ఫోర్స్‌మెంట్ విభాగం లోతుగా విచారణ జరిపింది. ఈ విచారణలో ఆయన అక్రమాలకు పాల్పడినట్లు స్పష్టమైన ఆధారాలు లభించడంతో, ఆయనపై ఏసీబీ విచారణ జరిపించి క్రిమినల్ చర్యలు తీసుకోవాలని విజిలెన్స్ విభాగం ప్రభుత్వానికి గట్టి సిఫార్సు చేసింది.

VC Prasad Reddy: వీసీ కార్యాలయాన్ని రాజకీయ అడ్డాగా మార్చారనే ఆరోపణలు

విశ్వవిద్యాలయానికి అత్యున్నత పదవిలో ఉన్న ప్రసాదరెడ్డి ఒక విద్యావేత్త మాదిరిగా కాకుండా రాజకీయ నాయకుడిగా వ్యవహరించారనే విమర్శలు బలంగా వినిపించాయి. ఏయూ వీసీ కార్యాలయాన్ని రాజకీయ కార్యకలాపాలకు కేంద్రంగా మార్చారని, జీవీఎంసీ ఎన్నికల సమయంలో వైసీపీ అభ్యర్థుల ఎంపిక, వ్యూహాలు అన్నీ వీసీ ఛాంబర్ నుంచే నడిచాయని ఆరోపణలు వచ్చాయి. అంతేకాకుండా, విద్యార్థులతో రాజకీయ సర్వేలు చేయించారనే తీవ్రమైన విమర్శలు కూడా ఆయన ఎదుర్కొన్నారు.

పాలకమండలి ఏకగ్రీవ తీర్మానం – ఏయూ చరిత్రలో చర్చనీయాంశం

విజిలెన్స్ నివేదికలు మరియు ఆయనపై వచ్చిన ఆరోపణలను క్షుణ్ణంగా పరిశీలించిన ఏయూ పాలకమండలి, ప్రసాదరెడ్డిని సస్పెండ్ చేయాలని ఏకగ్రీవంగా తీర్మానించింది. సరిగ్గా ఉద్యోగ విరమణ చేయాల్సిన రోజే ఈ సస్పెన్షన్ వేటు పడటం ఆంధ్ర విశ్వవిద్యాలయ చరిత్రలో మరియు విద్యావర్గాల్లో తీవ్ర చర్చనీయాంశంగా మారింది.

భోగాపురం ఎయిర్‌పోర్ట్ ప్రారంభానికి సర్వం సిద్ధం.. రేపు మోదీ చేతుల మీదుగా ప్రారంభం