Cockroach janata party: పోటీ పరీక్షల్లో జరుగుతున్న అక్రమాలు, ప్రశ్నాపత్రాల లీకేజీలు, ఫలితాల విడుదలలో తీవ్ర జాప్యానికి వ్యతిరేకంగా దేశవ్యాప్త ఉద్యమానికి తెరలేచింది.

సామాజిక మాధ్యమాల్లో సంచలనం సృష్టిస్తున్న 'కాక్రోచ్ జనతా పార్టీ' (CJP) వ్యవస్థాపకుడు అభిజిత్ దీప్కే ఈ భారీ ఆందోళన కార్యక్రమాన్ని ప్రకటించారు. పుణేలోని సావిత్రిభాయి ఫూలే యూనివర్సిటీ ప్రాంగణంలో ఈరోజు సాయంత్రం శాంతియుత నిరసనతో ఈ ఉద్యమానికి శ్రీకారం చుడుతున్నట్లు ఆయన వెల్లడించారు. ఈ సందర్భంగా విద్యార్థుల సమస్యల పరిష్కారమే లక్ష్యంగా రూపొందించిన ప్రత్యేక 'విద్యా మేనిఫెస్టో'ను కూడా విడుదల చేయనున్నారు.

Paper Leak Nationwide Movement

Read also: Abhishek Banerjee: సంతకాల ఫోర్జరీ కేసు.. ఎంపీ అభిషేక్‌ బెనర్జీకి భారీ ఊరట

విద్యా వ్యవస్థలో సంస్కరణలే లక్ష్యం.. మేనిఫెస్టోలో కీలక అంశాలు

పూర్తిగా రాజ్యాంగ పరిధిలోనే, అహింసా మార్గంలో ఈ నిరసనలు కొనసాగుతాయని అభిజిత్ దీప్కే స్పష్టం చేశారు. విద్యార్థుల భవిష్యత్తును దృష్టిలో ఉంచుకుని మేనిఫెస్టోలో పలు కీలక ప్రతిపాదనలు చేసినట్లు ఆయన వివరించారు:

• పరీక్షల నిర్వహణలో పారదర్శకతను పెంచడం.
• పేపర్ లీకేజీలను అరికట్టేందుకు కఠినమైన నిబంధనలు తీసుకురావడం.
• పరీక్ష ఫలితాలను ముందే ప్రకటించిన గడువులోగా విడుదల చేయడం.
• పరీక్షలు నిర్వహించే బోర్డులు, సంస్థల జవాబుదారీతనాన్ని పెంచడం.
• పరీక్షల జాప్యం వల్ల అభ్యర్థులు మానసికంగా ఎదుర్కొంటున్న ఇబ్బందులకు శాశ్వత పరిష్కారం చూపడం.

Cockroach janata party: పుణే టు ఢిల్లీ: జూన్ 20న జంతర్‌మంతర్ వద్ద భారీ ఆందోళన

పుణే వేదికగా ప్రారంభమయ్యే ఈ యువజన ఉద్యమం దేశంలోని పలు ప్రధాన నగరాలకు విస్తరించనుంది. జైపూర్, లక్నో, అమృత్‌సర్, బెంగళూరు నగరాల్లో వరుసగా నిరసన కార్యక్రమాలు నిర్వహించిన అనంతరం, జూన్ 20న దేశ రాజధాని ఢిల్లీలోని జంతర్‌మంతర్ వద్ద భారీ ఎత్తున ఆందోళన చేపట్టనున్నట్లు దీప్కే ప్రకటించారు.