Rahul Ramakrishna tweet:టాలీవుడ్ నటుడు రాహుల్ రామకృష్ణ సోషల్ మీడియా వేదికగా చేసిన వ్యాఖ్యలు ప్రస్తుతం రాజకీయ వర్గాల్లో చర్చనీయాంశంగా మారాయి. ఏపీ ఉపముఖ్యమంత్రి పవన్ కళ్యాణ్ పై రాహుల్ రామకృష్ణ ట్వీట్ చేస్తూ కీలక ప్రశ్నలు సంధించారు.

రాజకీయ నాయకులు పారదర్శకంగా ఉండాలని, ప్రజలకు జవాబుదారీగా ఉండాలని ఆయన ఆకాంక్షించారు. ఒక అభిమానిగా తాను ఈ ప్రశ్నలు అడుగుతున్నానని రాహుల్ స్పష్టం చేశారు.

Read also: Chandrababu Naidu: పశ్చిమ గోదావరి జిల్లాలో నేడు సిఎం పర్యటన

Rahul Ramakrishna’s tweet about Pawan Kalyan.

సమాచార హక్కు చట్టంపై ప్రశ్నలు

ప్రజా ప్రతినిధులు నిర్వహించే శాఖల్లో పారదర్శకత ఎంతవరకు ఉందనే అంశాన్ని ఆయన లేవనెత్తారు. సమాచార హక్కు చట్టం (RTI) కింద సంబంధిత శాఖలు పూర్తి సమాచారాన్ని ప్రజలకు వెల్లడిస్తున్నాయా అని ఆయన నిలదీశారు. అధికారులు తమ బాధ్యతలను సక్రమంగా నిర్వహిస్తున్నారా లేదా అనే కోణంలో ఈ విమర్శలు ఉన్నాయి. పాలనలో పారదర్శకత లోపిస్తే సామాన్యులకు ఇబ్బందులు ఎదురవుతాయని ఆయన అభిప్రాయపడ్డారు.

Rahul Ramakrishna tweet:చట్టాల అమలుపై స్పష్టత కోరుతూ

గిరిజన ప్రాంతాల్లోని ముఖ్యమైన చట్టాల అమలుపై రాహుల్ రామకృష్ణ అసంతృప్తి వ్యక్తం చేశారు. PESA చట్టం, 1/70 చట్టం, అలాగే గ్రామ సభ చట్టాల అమలు ఫలితాలను బహిర్గతం చేయాలని ఆయన డిమాండ్ చేశారు. అటవీకరణ కార్యక్రమాల్లోని గణాంకాలు అనుమానాస్పదంగా ఉన్నాయని ఆయన పేర్కొన్నారు. తాను అడిగిన ప్రశ్నలకు సమాధానాలు చెప్పాలని, ప్రశ్నించినంత మాత్రాన దేశద్రోహిని కానని ఆయన గట్టిగా చెప్పారు.