Peddi Movie Review: మెగా హీరో రామ్ చరణ్ నటించిన తాజా చిత్రం పెద్ది ప్రేక్షకులను బాగా ఆకట్టుకుంటోంది. ఈ సినిమా చూసిన మెగా ప్రిన్స్ వరుణ్ తేజ్, పెద్ది సినిమాపై వరుణ్ తేజ్ ప్రశంసలు కురిపించారు.

సోషల్ మీడియా వేదికగా సినిమాపై తన అభిప్రాయాన్ని పంచుకున్న ఆయన, ఈ కథ తనను ఎంతగానో ప్రభావితం చేసిందని తెలిపారు. కష్టాలను ధైర్యంతో ఎలా ఎదుర్కోవాలో ఈ కథాంశం అద్భుతంగా చూపిందని ఆయన మెచ్చుకున్నారు.

Read also: Jin Ze Actor Death: సినీ రంగంలో తీవ్ర విషాదం.. స్టార్ నటుడు జిన్ జే అనుమానాస్పద మృతి!

రామ్ చరణ్ నటనపై వరుణ్ తేజ్ కామెంట్స్

రామ్ చరణ్ పెద్ది పాత్రలో జీవించారని వరుణ్ తేజ్ అభివర్ణించారు. ఆ పాత్రలో పరకాయ ప్రవేశం చేసిన తీరు తనను నటుడిగా ఎంతో ఇన్‌స్పైర్ చేసిందని భావోద్వేగంతో చెప్పారు. ప్రతి సన్నివేశంలో రామ్ చరణ్ చూపిన నటన ప్రేక్షకులను కట్టిపడేస్తుందని ఆయన పేర్కొన్నారు. నటుడిగా రామ్ చరణ్ స్థాయి మరో మెట్టు ఎక్కిందని వరుణ్ తేజ్ ప్రశంసలు అందించారు.

Peddi Movie Review: దర్శకుడి ప్రతిభకు పెద్దపీట

ఈ చిత్రానికి దర్శకత్వం వహించిన బుచ్చిబాబు సానా పనితనాన్ని వరుణ్ తేజ్ మెచ్చుకున్నారు. కథను తెరకెక్కించిన విధానం, సినిమాలోని భావోద్వేగాలను పండించిన తీరు అద్భుతంగా ఉందని తెలిపారు. నటీనటుల ప్రతిభను బయటకు తీయడంలో దర్శకుడు సఫలీకృతం అయ్యారని ఆయన అన్నారు. మంచి సందేశం ఉన్న ఇలాంటి చిత్రాలను అందరూ చూడాలని వరుణ్ తేజ్ కోరారు