కేంద్ర సహాయ మంత్రి పెమ్మసాని చంద్రశేఖర్‌ను లక్ష్యంగా చేసుకుని అంబటి రాంబాబు సంచలన విమర్శలు గుప్పించారు. ఇటీవల పెమ్మసానికి సంకెళ్లు వేసినట్లు ఉన్న ఒక ఏఐ (AI) ద్వారా రూపొందించిన బొమ్మ/వీడియో సోషల్ మీడియాలో వైరల్ కావడంపై సిఐడీ కేసు నమోదైన నేపథ్యంలో రాంబాబు స్పందించారు. అది కేవలం ఒక పొలిటికల్ కార్టూన్ మాత్రమేనని, పెమ్మసాని ప్రతిష్ఠను భంగపరచడం తన ఉద్దేశం కాదని స్పష్టం చేశారు. అయితే, రాబోయే రోజుల్లో వైఎస్ జగన్ మోహన్ రెడ్డి ప్రభుత్వం అధికారంలోకి వస్తుందని, అప్పుడు చట్టబద్ధంగా పెమ్మసాని చంద్రశేఖర్‌కు సంకెళ్లు వేసి నిలబెట్టడం ఖాయమని స్పష్టమైన హెచ్చరిక చేశారు.

‘నా కుటుంబంపై వేధింపులు.. చట్టబద్ధంగా శిక్ష పడేదాకా వదలను’

తన ఇంటిపై జరిగిన దాడి, కుటుంబ సభ్యులపై జరిగిన వేధింపులను గుర్తు చేసుకుంటూ అంబటి రాంబాబు తీవ్ర ఆవేదన, ఆగ్రహం వ్యక్తం చేశారు. తన నివాసంపై దాడి వెనుక పెమ్మసాని హస్తం ఉందని ఆరోపించిన అంబటి, తన కారు అద్దాలు పగటగొట్టి, కుటుంబ సభ్యులను మానసిక వేధింపులకు గురిచేశారని ఆరోపించారు. “నా ఇంటిపై దాడి జరిగిన దృశ్యాలు ఇప్పటికీ గుండె బరువుతో గుర్తున్నాయి” అని వ్యాఖ్యానించిన ఆయన, పెమ్మసానిని ఒక నేరస్థుడిగా అభివర్ణించారు. కేవలం డిజిటల్ ఆర్ట్ లేదా కార్టూన్లలో మాత్రమే కాకుండా, చట్టబద్ధమైన ప్రక్రియ ద్వారా ఆయనకు సంకెళ్లు పడే వరకు తావులేకుండా పోరాడతానని, అంతవరకు నిద్రపోనని అంబటి రాంబాబు స్పష్టం చేశారు.

లోకేశ్‌పై భూమన ఫైర్.. టీటీడీ మందుల కొనుగోళ్లలో భారీ అవినీతి జరిగిందని వ్యాఖ్యలు