చట్టబద్ధత లేని పథకాలకు ప్రజాధనం వృథా చేస్తే ఎలా అని హైకోర్టు ప్రశ్నించింది. ప్రభుత్వ ధనాన్ని కల్యాణలక్ష్మి, షాదీముబారక్ లాంటి ఉచిత పథకాలకు ఖర్చు చేస్తే ఎలా అని హైకోర్టు రాష్ట్ర ప్రభుత్వాన్ని ప్రశ్నించింది.

ప్రభుత్వం అఫిడవిట్ - ధర్మాసనం అభిప్రాయం

బుధవారం కల్యాణలక్ష్మి, షాదీముబారక్ పథకాలపై ప్రభుత్వం అఫిడవిట్ దాఖలు చేసింది. బడ్జెట్లో కేటాయింపుల ప్రకారం పథకాలకు డబ్బులు ఇస్తున్నట్లు తెలిపింది. పేద యువతుల వివాహం కోసమే ఈ నిధులు కేటాయిస్తున్నట్లు వివరించింది. అయితే ప్రభుత్వ ధనాన్ని ఉచిత పథకాలకు ఖర్చు చేస్తే ఎలా అని హైకోర్టు ప్రశ్నించింది. ప్రభుత్వ రంగ సంస్థలను లాభాల్లోకి తెచ్చి.. ఆ డబ్బును ఉచిత పథకాలకు ఖర్చు చేయొచ్చు కదా అని ధర్మాసనం అభిప్రాయపడింది.

భూ బాధితుల సమస్యలు - విచారణ వాయిదా

భూసేకరణలో న్యాయం జరగక బాధితులు కోర్టుల చుట్టూ తిరుగుతున్నారని హైకోర్టు పేర్కొంది. భూ బాధితుల సమస్యలపై ప్రభుత్వం ఏం చేస్తుందో గురువారం చెప్పాలని ఆదేశించింది. తదుపరి విచారణను మరుసటి రోజుకు వాయిదా వేసింది.

Telangana High Court: స్టే ఎత్తివేయాలని ప్రభుత్వ విజ్ఞప్తి

కాగా, కల్యాణలక్ష్మి, షాదీ ముబారక్‌పై ఉన్న స్టేను ఎత్తివేయాలని తెలంగాణ ప్రభుత్వం తరఫు న్యాయవాదులు హైకోర్టుకు విజ్ఞప్తి చేశారు. ఈ రెండు పథకాల లబ్ధిదారులకు ఇబ్బంది కలగకుండా చూడాలని కోరారు. కల్యాణలక్ష్మి, షాదీ ముబారక్‌పై ఉన్న స్టేను ఎత్తి వేయటంపై హైకోర్టు గురువారం నిర్ణయం తీసుకోనుంది.

Epaper: epaper.vaartha.com

ఇంజినీరింగ్ ఖాళీ సీట్ల భర్తీకి స్పాట్ అడ్మిషన్లు ప్రారంభం