NEET Paper Leak Case: దేశవ్యాప్తంగా పెను సంచలనం సృష్టించిన నీట్ యూజీ (NEET UG) ప్రశ్నపత్రం లీకేజీ కేసులో కేంద్ర దర్యాప్తు సంస్థ (CBI) కీలక మైలురాయిని అందుకుంది.

మహారాష్ట్రలోని లాతూర్‌కు చెందిన ప్రముఖ ‘ఆర్సీసీ కోచింగ్ సెంటర్’ అధినేత, ఫిజిక్స్ ప్రొఫెసర్ శివరాజ్ మోటేగాంకర్‌ను సీబీఐ అధికారులు అధికారికంగా అరెస్ట్ చేశారు. పుణెలోని సీబీఐ కార్యాలయంలో దాదాపు 11 గంటల పాటు సాగిన సుదీర్ఘ విచారణ అనంతరం ఈ అరెస్ట్ ప్రకటన వెలువడింది. అత్యంత షాకింగ్ విషయం ఏమిటంటే, నిందితుడు శివరాజ్ నీట్ పేపర్ సెట్టింగ్ ప్యానెల్‌లో కూడా ఉన్నట్లు సీబీఐ గుర్తించింది.

Read Also :AP LAWCET Results: లాసెట్, పీజీఎల్‌సెట్ ఫలితాలు విడుదల మంత్రి నారా లోకేష్

10 రోజుల ముందే చేతికి ప్రశ్నపత్రం.. చేతివ్రాతతో నోట్స్!

మరాఠ్వాడా జిల్లాల్లో నీట్ పేపర్ లీక్ చేయడంలో ప్రొఫెసర్ శివరాజ్ కీలక పాత్ర పోషించాడని సీబీఐ విచారణలో తేలింది.

• ముందస్తు లీకేజీ: పరీక్షకు దాదాపు 10 రోజుల ముందుగానే, అంటే ఏప్రిల్ 23వ తేదీనే నీట్ ప్రశ్నపత్రం మరియు దానికి సంబంధించిన సమాధానాలు శివరాజ్ చేతికి అందాయి.
• గుట్టుచప్పుడు కాకుండా పంపిణీ: ఆ ప్రశ్నలను శివరాజ్ తన సొంత చేతివ్రాతతో ఒక నోట్స్‌గా రాసి, మెటీరియల్ రూపంలో విద్యార్థులకు అందించాడు. అనంతరం పరీక్ష ముగియగానే ఆ సాక్ష్యాలను తగులబెట్టాడు. అయితే, మే 3వ తేదీన లీకైన అసలు ప్రశ్నపత్రం అతని మొబైల్ ఫోన్‌లో లభ్యమవడం గమనార్హం.

NEET Paper Leak Case: సీబీఐ సోదాలు - లభించిన కీలక డిజిటల్ సాక్ష్యాలు

లాతూర్‌లోని శివనగర్‌లో ఉన్న శివరాజ్ నివాసంతో పాటు అతని కోచింగ్ సెంటర్లలో సీబీఐ అధికారులు ఏకకాలంలో ఐదు చోట్ల ముమ్మర సోదాలు నిర్వహించారు. నిందితుడి బ్యాంక్ ఖాతాల్లో భారీ మొత్తంలో అనుమానాస్పద నగదు లావాదేవీలు జరిగినట్లు అధికారులు గుర్తించారు.

స్వాధీనం చేసుకున్న ఆధారాలు:

• ల్యాప్‌టాప్‌లు, పెన్ డ్రైవ్‌లు మరియు మొబైల్ ఫోన్లు (డిజిటల్ సాక్ష్యాలు).
• నీట్ పరీక్షకు సంబంధించిన ప్రశ్నలు ఉన్న కెమిస్ట్రీ క్వశ్చన్ బ్యాంక్.
• వీడియో సాక్ష్యం: కోచింగ్ సెంటర్‌లోని విద్యార్థులకు నీట్ ప్రశ్నలను ముందే లీక్ చేస్తూ వివరిస్తున్న ఒక వీడియోను సీబీఐ కోర్టుకు సమర్పించింది.

ఈ బలమైన ఆధారాలను పరిశీలించిన కోర్టు.. నిందితుడు శివరాజ్‌కు 9 రోజుల సీబీఐ కస్టడీ విధిస్తూ ఆదేశాలు జారీ చేసింది.

నిందితుల మధ్య లింకులు - దేశవ్యాప్తంగా అరెస్టుల పర్వం