ఆ ప్రాంతంలో ఉద్రిక్తతలు మళ్లీ తలెత్తడంతో ప్రపంచవ్యాప్తంగా చమురు రవాణాకు ఆటంకాలు ఏర్పడ్డాయి. ఈ నేపథ్యంలో ఇంధన సరఫరాపై ఆంక్షలు కఠినతరం కావడంతో, భారత ప్రభుత్వం కీలక నిర్ణయం తీసుకుంది. తద్వారా దేశీయ డీజిల్, జెట్ ఇంధన (ATF) ఎగుమతులపై విండ్‌ఫాల్ పన్నులను (Windfall Taxes) భారీగా పెంచింది.

Read Also: Jagannath Ratha Yatra: పూరీ రథయాత్రలో ఊపిరాడక 52 మందికి అస్వస్థత!

Oil supply crisis

Oil supply crisis : ఆర్థిక మంత్రిత్వ శాఖ విడుదల చేసిన తాజా నోటీసు

జూలై ద్వితీయార్థానికి అమల్లోకి వచ్చేలా డీజిల్ ఎగుమతులపై సుంకాన్ని గతంలో ఉన్న లీటరుకు రూ.8.5 నుండి ఏకంగా రూ. 15.5 కు పెంచారు. అలాగే విమానాలలో ఉపయోగించే జెట్ ఇంధనం (ATF)పై పన్నును లీటరుకు రూ. 7.5 నుండి రూ. 14.5 కు పెంచుతూ నిర్ణయం తీసుకున్నారు. అయితే ఇందుకు భిన్నంగా గ్యాసోలిన్ (పెట్రోల్)పై ఉన్న ఎగుమతి సుంకాన్ని మాత్రం లీటరుకు రూ. 4 నుండి రూ. 2.5 కు తగ్గించడం గమనార్హం. భారతదేశం 15 రోజులకు ఒకసారి ముడి చమురు, శుద్ధి చేసిన ఉత్పత్తుల సగటు అంతర్జాతీయ ధరలను సమీక్షిస్తూ ఈ పన్నులను సవరిస్తుంది. ఈ ప్రత్యేక నియంత్రణ యంత్రాంగం వల్ల దేశీయంగా ఇంధన లభ్యతకు ఎటువంటి ఢోకా లేకుండా చూసుకోవడంతో పాటు.. ప్రపంచ ఇంధన మార్కెట్లలో వచ్చే ఆకస్మిక మార్పులకు అనుగుణంగా సుంకాలను సర్దుబాటు చేయడానికి ప్రభుత్వానికి వీలు కలుగుతుంది. ప్రపంచంలోనే నాల్గవ అతిపెద్ద చమురు శుద్ధి సామర్థ్యం కలిగిన భారతదేశం, తన ముడి చమురు అవసరాలలో 85 శాతం కంటే ఎక్కువ భాగాన్ని విదేశాల నుండి దిగుమతి చేసుకుంటున్నప్పటికీ.. భారీ పరిమాణంలో శుద్ధి చేసిన నాణ్యమైన ఇంధనాలను ప్రపంచ దేశాలకు ఎగుమతి చేస్తూ అంతర్జాతీయ మార్కెట్లో కీలక పాత్ర పోషిస్తోంది.

Read Also hindi news: hindi.vaartha.com

Epaper: epaper.vaartha.com

ఐఆర్‌సీటీసీ సరికొత్త వెబ్‌సైట్ లాంచ్.. మరింత సులభంగా రైలు టికెట్ బుకింగ్!