Protein Powder Side Effects: ఇటీవల కాలంలో ఫిట్‌నెస్ ప్రేమికులతో పాటు సాధారణ ప్రజల్లోనూ ప్రొటీన్ సప్లిమెంట్ల వాడకం విపరీతంగా పెరిగింది. కండరాల పుష్టి కోసం, శరీరానికి అవసరమైన పోషకాలను వేగంగా అందించడం కోసం చాలామంది ప్రొటీన్ పౌడర్లను ఆశ్రయిస్తున్నారు.

అయితే, ఎలాంటి ముందస్తు అవగాహన లేదా వైద్య పరీక్షలు లేకుండా వీటిని వాడటం ఆరోగ్యానికి చేటు చేస్తుందని నిపుణులు హెచ్చరిస్తున్నారు. ముఖ్యంగా శాకాహారులు తమ ఆహారంలో ప్రొటీన్ లోపాన్ని భర్తీ చేసుకోవడానికి ఈ సప్లిమెంట్లను ఎంచుకునే ముందు కొన్ని కీలక విషయాలను గమనించాలి.

Liver Care

ప్రొటీన్ పౌడర్ వాడటం ప్రారంభించే ముందు మీ శరీర అంతర్గత అవయవాల పనితీరును అంచనా వేసుకోవడానికి క్రింది 4 ప్రధాన అంశాలను తప్పనిసరిగా పరిశీలించుకోవాలి:

Read also: Lung Cancer Blood Test: లంగ్ క్యాన్సర్‌ను ఐదేళ్ల ముందే గుర్తించే కొత్త రక్త పరీక్ష ఆవిష్కరణ

జీర్ణక్రియ సామర్థ్యం (Digestive Health)

మీరు తీసుకునే ఆహారం సరిగ్గా జీర్ణమవుతుందా లేదా అనేది ముఖ్యం. ఇప్పటికే మలబద్ధకం, గ్యాస్, కడుపు ఉబ్బరం లేదా ఎసిడిటీ వంటి సమస్యలు ఉంటే ప్రొటీన్ సప్లిమెంట్లను శరీరం తట్టుకోలేదు. జీర్ణవ్యవస్థ బలంగా ఉన్నప్పుడే అదనపు ప్రొటీన్ సక్రమంగా అరుగుతుంది.

Protein Powder Side Effects: కిడ్నీల పనితీరు (Kidney Function)

అధిక మొత్తంలో ప్రొటీన్ తీసుకోవడం వల్ల మూత్రపిండాలపై అదనపు భారం పడుతుంది. గతంలో కిడ్నీలో రాళ్లు (Kidney Stones) ఉన్నా లేదా ఇతర మూత్రపిండాల సమస్యలు ఉన్నా ప్రొటీన్ పౌడర్లకు దూరంగా ఉండటం లేదా వైద్యుల సలహా మేరకు మాత్రమే వాడటం మంచిది. సప్లిమెంట్లు ప్రారంభించే ముందు ‘కిడ్నీ ఫంక్షన్ టెస్ట్’ (KFT) చేయించుకోవడం సురక్షితం.

లివర్ ఆరోగ్యం (Liver Health)

శరీరంలోకి చేరే ప్రొటీన్‌లోని అమైనో ఆమ్లాలను విడగొట్టి, శరీరానికి ఉపయోగపడేలా చేసే ప్రధాన బాధ్యత కాలేయానిదే (Liver). కాబట్టి, ఫ్యాటీ లివర్ లేదా ఇతర కాలేయ సంబంధిత వ్యాధులు ఉన్నవారు ముందుగా వాటికి చికిత్స తీసుకోవాలి. లివర్ ఆరోగ్యంగా లేనప్పుడు ప్రొటీన్ సప్లిమెంట్లు వాడటం వల్ల సమస్య మరింత తీవ్రమవుతుంది.